L'Évangile selon Thomas

ⲚⲀⲈⲒ ⲚⲈ Ⲛ̅.ϢⲀϪⲈ ⲈⲐ.ⲎⲠ Ⲉ.ⲚⲦⲀ.Ⲓ̅Ⲥ̅ ⲈⲦ.ⲰⲚϨ ϪⲞ.ⲞⲨ ⲀⲨⲰ Ⲁ.Ϥ.ⲤϨⲀⲒⲤ.ⲞⲨ Ⲛ̅ϬⲒ ⲆⲒⲆⲨⲘⲞⲤ ⲒⲞⲨⲆⲀⲤ ⲐⲰⲘⲀⲤ

ⲀⲨⲰ ⲠⲈϪⲀ.Ϥ ϪⲈ ⲠⲈ ⲦⲀ.ϨⲈ Ⲉ.Ⲑ.ⲈⲢⲘⲎⲚⲈⲒⲀ Ⲛ̅.ⲚⲈⲈⲒ.ϢⲀϪⲈ Ϥ.ⲚⲀ. ϪⲒ ϮⲠⲈ ⲀⲚ Ⲙ̅.Ⲡ.ⲘⲞⲨ

ⲠⲈϪⲈ Ⲓ̅Ⲥ̅ (ϪⲈ) ⲘⲚ̅.ⲦⲢⲈ.Ϥ. ⲖⲞ Ⲛ̅ϬⲒ ⲠⲈⲦ.ϢⲒⲚⲈ Ⲉ.Ϥ.ϢⲒⲚⲈ ϢⲀⲚⲦⲈ.Ϥ. ϬⲒⲚⲈ ⲀⲨⲰ ϨⲞⲦⲀⲚ Ⲉ.Ϥ.ϢⲀⲚ.ϬⲒⲚⲈ Ϥ.ⲚⲀ. ϢⲦⲢ̅ⲦⲢ̅ ⲀⲨⲰ Ⲉ.Ϥ.ϢⲀⲚ.ϢⲦⲞⲢⲦⲢ̅ Ϥ.ⲚⲀ.Ⲣ̅. ϢⲠⲎⲢⲈ ⲀⲨⲰ Ϥ.ⲚⲀ.Ⲣ̅. Ⲣ̅ⲢⲞ ⲈϪⲘ̅ Ⲡ.ⲦⲎⲢ.Ϥ

ⲠⲈϪⲈ Ⲓ̅Ⲥ̅ ϪⲈ Ⲉ.Ⲩ.ϢⲀ. ϪⲞⲞ.Ⲥ ⲚⲎ.ⲦⲚ̅ Ⲛ̅ϬⲒ ⲚⲈⲦ.ⲤⲰⲔ ϨⲎⲦ ⲦⲎⲨⲦⲚ̅ ϪⲈ ⲈⲒⲤϨⲎⲎⲦⲈ Ⲉ.Ⲧ.ⲘⲚ̅Ⲧ.ⲈⲢⲞ ϨⲚ̅ Ⲧ.ⲠⲈ Ⲉ ⲈⲒⲈ Ⲛ̅.ϨⲀⲖⲎⲦ ⲚⲀ.Ⲣ̅.ϢⲞⲢⲠ ⲈⲢⲰ.ⲦⲚ̅ Ⲛ̅ⲦⲈ Ⲧ.ⲠⲈ Ⲉ.Ⲩ.ϢⲀⲚ.ϪⲞⲞ.Ⲥ ⲚⲎ.ⲦⲚ̅ ϪⲈ Ⲥ.ϨⲚ̅ ⲐⲀ ⲖⲀⲤⲤⲀ ⲈⲈⲒⲈ Ⲛ̅.ⲦⲂⲦ ⲚⲀ.Ⲣ̅.ϢⲞⲢ̅Ⲡ ⲈⲢⲰ.ⲦⲚ̅ ⲀⲖⲖⲀ Ⲧ.ⲘⲚ̅Ⲧ.ⲈⲢⲞ Ⲥ.Ⲙ̅.ⲠⲈⲦⲚ̅.ϨⲞⲨⲚ ⲀⲨⲰ Ⲥ.Ⲙ̅.ⲠⲈⲦⲚ̅.ⲂⲀⲖ ϨⲞⲦⲀⲚ Ⲉ.ⲦⲈⲦⲚ̅.ϢⲀⲚ. ⲤⲞⲨⲰⲚ ⲦⲎⲨⲦⲚ̅ ⲦⲞⲦⲈ ⲤⲈ.ⲚⲀ.ⲤⲞⲨⲰ̅ ⲦⲎⲚⲈ ⲀⲨⲰ ⲦⲈⲦ.ⲚⲀ.ⲈⲒⲘⲈ ϪⲈ Ⲛ̅.ⲦⲰⲦⲚ̅ Ⲡ Ⲉ Ⲛ̅.ϢⲎⲢⲈ Ⲙ̅.Ⲡ.ⲈⲒⲰⲦ ⲈⲦ.ⲞⲚϨ ⲈϢⲰⲠⲈ ⲆⲈ ⲦⲈⲦ.ⲚⲀ.ⲤⲞⲨⲰⲚ ⲦⲎⲨⲦⲚ̅ ⲀⲚ ⲈⲈⲒⲈ ⲦⲈⲦⲚ̅. ϢⲞⲞⲠ ϨⲚ̅ ⲞⲨ.ⲘⲚ̅Ⲧ.ϨⲎⲔⲈ ⲀⲨⲰ Ⲛ̅.ⲦⲰⲦⲚ̅ ⲠⲈ Ⲧ.ⲘⲚ̅Ⲧ.ϨⲎⲔⲈ

ⲠⲈϪⲈ Ⲓ̅Ⲥ̅ (ϪⲈ) Ϥ.ⲚⲀ.ϪⲚⲀⲨ ⲀⲚ Ⲛ̅ϬⲒ Ⲡ.ⲢⲰⲘⲈ Ⲛ̅.ϨⲖ̅ⲖⲞ ϨⲚ̅ ⲚⲈϤ.ϨⲞⲞⲨ Ⲉ.ϪⲚⲈ ⲞⲨ.ⲔⲞⲨⲈⲒ Ⲛ̅.ϢⲎⲢⲈ ϢⲎⲘ Ⲉ.Ϥ.ϨⲚ̅.ⲤⲀϢϤ̅ Ⲛ̅.ϨⲞⲞⲨ ⲈⲦⲂⲈ Ⲡ.ⲦⲞⲠⲞⲤ Ⲙ̅.Ⲡ.ⲰⲚϨ ⲀⲨⲰ Ϥ.ⲚⲀ.ⲰⲚϨ ϪⲈ ⲞⲨⲚ̅ ϨⲀϨ Ⲛ̅.ϢⲞⲢⲠ ⲚⲀ.Ⲣ̅.ϨⲀ Ⲉ ⲀⲨⲰ Ⲛ̅.ⲤⲈ.ϢⲰⲠⲈ ⲞⲨⲀ ⲞⲨⲰⲦ

ⲠⲈϪⲈ Ⲓ̅Ⲥ̅ (ϪⲈ) ⲤⲞⲨⲰⲚ ⲠⲈⲦ.Ⲙ̅.Ⲡ(Ⲉ).Ⲙ̅ⲦⲞ Ⲙ̅.ⲠⲈⲔ.ϨⲞ ⲈⲂⲞⲖ ⲀⲨⲰ ⲠⲈⲐ.ⲎⲦ ⲈⲢⲞ.Ⲕ Ϥ.ⲚⲀ.ϬⲰⲖⲠ ⲈⲂⲞⲖ ⲚⲀ.Ⲕ ⲘⲚ̅.ⲖⲀⲀⲨ ⲄⲀⲢ Ⲉ.Ϥ.ϨⲎⲠ Ⲉ.Ϥ.ⲚⲀ.ⲞⲨⲰⲚϨ ⲈⲂⲞⲖ ⲀⲚ

Ⲁ.Ⲩ.ϪⲚⲞⲨ.Ϥ Ⲛ̅ϬⲒ ⲚⲈϤ.ⲘⲀⲐⲎⲦⲎⲤ ⲠⲈϪⲀ ⲚⲀ.Ϥ ϪⲈ Ⲕ.ⲞⲨⲰϢ ⲈⲦⲢ.Ⲛ̅.Ⲣ̅.ⲚⲎⲤⲦⲈⲨⲈ ⲀⲨⲰ ⲈϢ ⲦⲈ ⲐⲈ ⲈⲚⲀ.ϢⲖⲎⲖ ⲈⲚⲀ.Ϯ.ⲈⲖⲈ ⲎⲘⲞⲤⲨⲚⲎ ⲀⲨⲰ ⲈⲚⲀ.Ⲣ̅.ⲠⲀⲢⲀⲦⲎⲢⲈⲒ Ⲉ.ⲞⲨ. Ⲛ̅.ϬⲒ(Ⲛ)ⲞⲨⲰⲘ ⲠⲈϪⲈ Ⲓ̅Ⲥ̅ ϪⲈ Ⲙ̅ⲠⲢ̅.ϪⲈ.ϬⲞⲖ ⲀⲨ Ⲱ ⲠⲈ.ⲦⲈⲦⲘ̅.ⲘⲞⲤⲦⲈ Ⲙ̅ⲘⲞ.Ϥ Ⲙ̅ⲠⲢ̅.ⲀⲀ.Ϥ ϪⲈ ⲤⲈ.ϬⲞⲖⲠ ⲦⲎⲢ.ⲞⲨ ⲈⲂⲞⲖ Ⲙ̅.ⲠⲈ.ⲘⲦⲞ ⲈⲂⲞⲖ Ⲛ̅.Ⲧ.ⲠⲈ ⲘⲚ̅.ⲖⲀⲀⲨ ⲄⲀⲢ Ⲉ.Ϥ.ϨⲎⲠ Ⲉ.Ϥ.ⲚⲀ.ⲞⲨ ⲰⲚϨ ⲈⲂⲞⲖ ⲀⲚ ⲀⲨⲰ ⲘⲚ̅.ⲖⲀⲀⲨ Ⲉ.Ϥ.ϨⲞⲂ̅Ⲥ̅ Ⲉ.Ⲩ. ⲚⲀ.ϬⲰ ⲞⲨⲈϢⲚ̅ ϬⲞⲖⲠ.Ϥ

ⲠⲈϪⲈ Ⲓ̅Ⲥ̅ (ϪⲈ) ⲞⲨ. ⲘⲀⲔⲀⲢⲒⲞⲤ ⲠⲈ Ⲡ.ⲘⲞⲨⲈⲒ ⲠⲀⲈⲒ ⲈⲦⲈ Ⲡ.ⲢⲰⲘⲈ.ⲚⲀ.ⲞⲨⲞⲘ.Ϥ ⲀⲨⲰ Ⲛ̅ⲦⲈ.Ⲡ.ⲘⲞⲨⲈⲒ ϢⲰⲠⲈ Ⲣ̅.ⲢⲰⲘⲈ ⲀⲨⲰ Ϥ.ⲂⲎⲦ Ⲛ̅ϬⲒ Ⲡ.ⲢⲰ ⲘⲈ ⲠⲀⲈⲒ ⲈⲦⲈ Ⲡ.ⲘⲞⲨⲈⲒ.ⲚⲀ.ⲞⲨⲞⲘ.Ϥ ⲀⲨ Ⲱ Ⲡ.ⲘⲞⲨⲈⲒ.ⲚⲀ.ϢⲰⲠⲈ Ⲣ̅.ⲢⲰⲘⲈ

ⲀⲨⲰ ⲠⲈ ϪⲀ.Ϥ ϪⲈ Ⲉ.Ⲡ.ⲢⲰⲘⲈ ⲦⲚ̅ⲦⲰⲚ Ⲁ.(Ⲟ)Ⲩ.ⲞⲨⲰϨⲈ Ⲣ̅.ⲢⲘ.Ⲛ̅.ϨⲎⲦ ⲠⲀⲈⲒ Ⲛ̅ⲦⲀϨ.ⲚⲞⲨϪⲈ Ⲛ̅.ⲦⲈϤ.Ⲁ ⲂⲰ Ⲉ.ⲐⲀⲖⲀⲤⲤⲀ Ⲁ.Ϥ.ⲤⲰⲔ Ⲙ̅ⲘⲞ.Ⲥ Ⲉ.ϨⲢⲀⲒ ϨⲚ̅ ⲐⲀⲖⲀⲤⲤⲀ Ⲉ.Ⲥ.ⲘⲈϨ Ⲛ̅.ⲦⲂⲦ Ⲛ̅.ⲔⲞⲨⲈⲒ Ⲛ̅. ϨⲢⲀⲒ Ⲛ̅.ϨⲎⲦ.ⲞⲨ Ⲁ.Ϥ.ϨⲈ Ⲁ.(Ⲟ)Ⲩ.ⲚⲞϬ Ⲛ̅.ⲦⲂ̅Ⲧ Ⲉ.ⲚⲀ ⲚⲞⲨ.Ϥ Ⲛ̅ϬⲒ Ⲡ.ⲞⲨⲰϨⲈ Ⲣ̅.ⲢⲘ.Ⲛ̅.ϨⲎⲦ Ⲁ.Ϥ.ⲚⲞⲨ ϪⲈ Ⲛ̅.Ⲛ̅.ⲔⲞⲨⲈⲒ ⲦⲎⲢ.ⲞⲨ Ⲛ̅.ⲦⲂⲦ ⲈⲂⲞⲖ Ⲉ.[ⲠⲈ] ⲤⲎⲦ Ⲉ.ⲐⲀⲖⲀⲤⲤⲀ Ⲁ.Ϥ.ⲤⲰⲦⲠ Ⲙ̅.Ⲡ.ⲚⲞϬ Ⲛ̅. ⲦⲂ̅Ⲧ ⲬⲰⲢⲒⲤ ϨⲒⲤⲈ ⲠⲈⲦⲈ.ⲞⲨⲚ̅.ⲘⲀⲀϪⲈ Ⲙ̅ⲘⲞ.Ϥ Ⲉ.ⲤⲰⲦⲘ̅ ⲘⲀⲢⲈ.Ϥ.ⲤⲰⲦⲘ̅

ⲠⲈϪⲈ Ⲓ̅Ⲥ̅ ϪⲈ ⲈⲒⲤϨⲎ ⲎⲦⲈ Ⲁ.Ϥ.ⲈⲒ ⲈⲂⲞⲖ Ⲛ̅ϬⲒ ⲠⲈⲦ.ⲤⲒⲦⲈ Ϥ.ⲘⲈϨ ⲦⲞⲞⲦ.Ϥ̅ Ⲁ.Ϥ.ⲚⲞⲨϪⲈ Ⲁ.ϨⲞⲈⲒⲚⲈ ⲘⲈⲚ ϨⲈ ⲈϪⲚ̅ ⲦⲈ.ϨⲒⲎ Ⲁ.Ⲩ.ⲈⲒ Ⲛ̅ϬⲒ Ⲛ̅.ϨⲀⲖⲀⲦⲈ Ⲁ.Ⲩ.ⲔⲀⲦϤ.ⲞⲨ ϨⲚ̅ ⲔⲞⲞⲨⲈ Ⲁ.Ⲩ.ϨⲈ ⲈϪⲚ̅ Ⲧ.ⲠⲈⲦⲢⲀ ⲀⲨⲰ Ⲙ̅Ⲡ.ⲞⲨ.ϪⲈ.ⲚⲞⲨⲚⲈ Ⲉ.Ⲡ.ⲈⲤⲎⲦ Ⲉ.Ⲡ.ⲔⲀϨ ⲀⲨⲰ Ⲙ̅Ⲡ.ⲞⲨ.ⲦⲈⲨⲈ ϨⲘ̅Ⲥ̅ Ⲉ.Ϩ ⲢⲀⲒ Ⲉ.Ⲧ.ⲠⲈ ⲀⲨⲰ ϨⲚ̅ ⲔⲞⲞⲨⲈ Ⲁ.Ⲩ.ϨⲈ ⲈϪⲚ̅ Ⲛ̅.ϢⲞ̅ ⲦⲈ Ⲁ.Ⲩ.ⲰϬⲦ Ⲙ̅.ⲠⲈ.ϬⲢⲞϬ ⲀⲨⲰ Ⲁ.Ⲡ.ϤⲚ̅Ⲧ ⲞⲨⲞⲘ.ⲞⲨ ⲀⲨⲰ Ⲁ.ϨⲚ̅.ⲔⲞⲞⲨⲈ ϨⲈ ⲈϪⲚ̅ Ⲡ.ⲔⲀϨ ⲈⲦ.ⲚⲀⲚⲞⲨ.Ϥ ⲀⲨⲰ Ⲁ.Ϥ.Ϯ.ⲔⲀⲢⲠⲞⲤ Ⲉ.ϨⲢⲀⲒ Ⲉ.Ⲧ.ⲠⲈ Ⲉ(Ⲧ).ⲚⲀⲚⲞⲨ.Ϥ Ⲁ.Ϥ. ⲈⲒ Ⲛ̅.ⲤⲈ Ⲉ.ⲤⲞⲦⲈ ⲀⲨⲰ ϢⲈϪⲞⲨⲰⲦ Ⲉ.ⲤⲞⲦⲈ

ⲠⲈϪⲈ Ⲓ̅Ⲥ̅ ϪⲈ Ⲁ.ⲈⲒ.ⲚⲞⲨϪⲈ Ⲛ̅.ⲞⲨ.ⲔⲰϨⲦ ⲈϪⲚ̅ Ⲡ.ⲔⲞⲤⲘⲞⲤ ⲀⲨⲰ ⲈⲒⲤϨⲎⲎⲦⲈ Ϯ.ⲀⲢⲈϨ ⲈⲢⲞ.Ϥ ϢⲀⲚⲦⲈ.Ϥ.ϪⲈⲢⲞ

ⲠⲈϪⲈ Ⲓ̅Ⲥ̅ ϪⲈ ⲦⲈⲈⲒ.ⲠⲈ ⲚⲀ.Ⲣ̅.ⲠⲀ ⲢⲀⲄⲈ ⲀⲨⲰ ⲦⲈⲦ.Ⲛ̅.Ⲧ.ⲠⲈ Ⲙ̅ⲘⲞ.Ⲥ ⲚⲀ.Ⲣ̅.ⲠⲀⲢⲀⲄⲈ ⲀⲨⲰ ⲚⲈⲦ.ⲘⲞⲞⲨⲦ ⲤⲈ.ⲞⲚϨ ⲀⲚ ⲀⲨⲰ ⲚⲈⲦ.ⲞⲚϨ ⲤⲈ.ⲚⲀ.ⲘⲞⲨ ⲀⲚ (Ⲛ̅).Ⲛ̅.ϨⲞⲞⲨ (Ⲉ).ⲚⲈ.ⲦⲈⲦⲚ̅.ⲞⲨⲰⲘ Ⲙ̅.ⲠⲈⲦ.ⲘⲞⲞⲨⲦ ⲚⲈ.ⲦⲈⲦⲚ̅.ⲈⲒⲢⲈ Ⲙ̅ⲘⲞ.Ϥ Ⲙ̅.ⲠⲈ Ⲧ.ⲞⲚϨ ϨⲞⲦⲀⲚ Ⲉ.ⲦⲈⲦⲚ̅.ϢⲀⲚ.ϢⲰⲠⲈ ϨⲘ̅.Ⲡ.ⲞⲨ ⲞⲈⲒⲚ ⲞⲨ ⲠⲈ ⲦⲈⲦ.ⲚⲀ.Ⲁ.Ϥ ϨⲘ̅ ⲪⲞⲞⲨ Ⲉ.ⲦⲈⲦⲚ̅. Ⲟ Ⲛ̅.ⲞⲨⲀ Ⲁ.ⲦⲈⲦⲚ̅.ⲈⲒⲢⲈ Ⲙ̅.Ⲡ(Ⲉ).ⲤⲚⲀⲨ ϨⲞⲦⲀⲚ ⲆⲈ Ⲉ.ⲦⲈⲦⲚ̅.ϢⲀ(Ⲛ).ϢⲰⲠⲈ Ⲛ̅.ⲤⲚⲀⲨ ⲞⲨ ⲠⲈ ⲈⲦⲈ ⲦⲚ̅.ⲚⲀ.Ⲁ.Ϥ

ⲠⲈϪⲈ Ⲙ̅.ⲘⲀⲐⲎⲦⲎⲤ Ⲛ̅.Ⲓ̅Ⲥ̅ ϪⲈ ⲦⲚ̅. ⲤⲞⲞⲨⲚ ϪⲈ Ⲕ.ⲚⲀ.ⲂⲰⲔ Ⲛ̅ⲦⲞⲞⲦ.Ⲛ̅ ⲚⲒⲘ ⲠⲈ ⲈⲦ.ⲚⲀ.Ⲣ̅.ⲚⲞϬ ⲈϨⲢⲀⲒ ⲈϪⲰ.Ⲛ ⲠⲈϪⲈ Ⲓ̅Ⲥ̅ ⲚⲀ.Ⲩ ϪⲈ Ⲡ.ⲘⲀ Ⲛ̅ⲦⲀ.ⲦⲈⲦⲚ̅.ⲈⲒ Ⲙ̅ⲘⲀⲨ Ⲉ.ⲦⲈⲦ.ⲚⲀ. ⲂⲰⲔ ϢⲀ ⲒⲀⲔⲰⲂⲞⲤ Ⲡ.ⲆⲒⲔⲀⲒⲞⲤ ⲠⲀⲈⲒ Ⲛ̅ⲦⲀ. Ⲧ.ⲠⲈ ⲘⲚ̅ Ⲡ.ⲔⲀϨ ϢⲰⲠⲈ ⲈⲦⲂⲎⲦ.Ϥ̅

ⲠⲈϪⲈ Ⲓ̅Ⲥ̅ Ⲛ̅.ⲚⲈϤ.ⲘⲀⲐⲎⲦⲎⲤ ϪⲈ ⲦⲚⲦⲰⲚ.Ⲧ Ⲛ̅ⲦⲈ.ⲦⲚ̅. ϪⲞⲞ.Ⲥ ⲚⲀ.ⲈⲒ ϪⲈ Ⲉ(Ⲓ).ⲈⲒⲚⲈ Ⲛ̅.ⲚⲒⲘ ⲠⲈϪⲀ.Ϥ ⲚⲀ.Ϥ Ⲛ̅ϬⲒ ⲤⲒⲘⲰⲚ ⲠⲈⲦⲢⲞⲤ ϪⲈ Ⲉ.Ⲕ.ⲈⲒⲚⲈ Ⲛ̅.ⲞⲨ.ⲀⲄ ⲄⲈⲖⲞⲤ Ⲛ̅.ⲆⲒⲔⲀⲒⲞⲤ ⲠⲈϪⲀ.Ϥ ⲚⲀ.Ϥ Ⲛ̅ϬⲒ ⲘⲀⲐ ⲐⲀⲒⲞⲤ ϪⲈ Ⲉ.Ⲕ.ⲈⲒⲚⲈ Ⲛ̅.ⲞⲨ.ⲢⲰⲘⲈ Ⲙ̅.ⲪⲒⲖⲞⲤⲞ ⲪⲞⲤ Ⲛ̅.ⲢⲘ̅.Ⲛ̅.ϨⲎⲦ ⲠⲈϪⲀ.Ϥ ⲚⲀ.Ϥ Ⲛ̅ϬⲒ ⲐⲰⲘⲀⲤ ϪⲈ Ⲡ.ⲤⲀϨ ϨⲞⲖⲰⲤ ⲦⲀ.ⲦⲀⲠⲢⲞ.ⲚⲀ.ϢⲀⲠ.Ϥ ⲀⲚ ⲈⲦⲢⲀ.ϪⲞⲞ.Ⲥ ϪⲈ Ⲉ.Ⲕ.ⲈⲒⲚⲈ Ⲛ̅.ⲚⲒⲘ ⲠⲈϪⲈ Ⲓ̅Ⲏ̅Ⲥ̅ ϪⲈ ⲀⲚⲞⲔ ⲠⲈⲔ.ⲤⲀϨ ⲀⲚ ⲈⲠⲈⲒ Ⲁ.Ⲕ.ⲤⲰ Ⲁ.Ⲕ.ϮϨⲈ ⲈⲂⲞⲖ ϨⲚ̅ Ⲧ.ⲠⲎⲄⲎ ⲈⲦ.ⲂⲢ̅ⲂⲢⲈ ⲦⲀⲈⲒ ⲀⲚⲞⲔ Ⲛ̅ⲦⲀ.ⲈⲒ.ϢⲒⲦ.Ⲥ̅ ⲀⲨⲰ Ⲁ.Ϥ.ϪⲒⲦ.Ϥ̅ Ⲁ.Ϥ.ⲀⲚⲀⲬⲰⲢⲈⲒ Ⲁ.Ϥ.ϪⲰ ⲚⲀ.Ϥ Ⲛ̅.ϢⲞⲘⲦ Ⲛ̅.ϢⲀϪⲈ Ⲛ̅ⲦⲀⲢⲈ.ⲐⲰ ⲘⲀⲤ ⲆⲈ ⲈⲒ ϢⲀ ⲚⲈϤ.ϢⲂⲈⲈⲢ Ⲁ.Ⲩ.ϪⲚⲞⲨ.Ϥ ϪⲈ Ⲛ̅ⲦⲀ.Ⲓ̅Ⲥ̅ ϪⲞⲞ.Ⲥ ϪⲈ ⲞⲨ ⲚⲀ.Ⲕ ⲠⲈϪⲀ.Ϥ ⲚⲀ.Ⲩ Ⲛ̅ϬⲒ ⲐⲰⲘⲀⲤ ϪⲈ Ⲉ.Ⲓ.ϢⲀⲚ.ϪⲰ ⲚⲎ.ⲦⲚ̅ ⲞⲨⲀ ϨⲚ̅ Ⲛ̅.ϢⲀ ϪⲈ Ⲛ̅ⲦⲀ.Ϥ.ϪⲞⲞ.Ⲩ ⲚⲀ.ⲈⲒ ⲦⲈⲦ.ⲚⲀ.ϤⲒ ⲰⲚⲈ Ⲛ̅ⲦⲈ. ⲦⲚ̅.ⲚⲞⲨϪⲈ ⲈⲢⲞ.ⲈⲒ ⲀⲨⲰ Ⲛ̅ⲦⲈ.ⲞⲨ.ⲔⲰϨⲦ ⲈⲒ Ⲉ ⲂⲞⲖ ϨⲚ̅ Ⲛ̅.ⲰⲚⲈ Ⲛ̅.Ⲥ.ⲢⲰϨⲔ Ⲙ̅ⲘⲰ.ⲦⲚ̅

ⲠⲈϪⲈ Ⲓ̅Ⲥ̅ ⲚⲀ.Ⲩ ϪⲈ Ⲉ.ⲦⲈⲦⲚ̅.ϢⲀⲚ.Ⲣ̅.ⲚⲎⲤⲦⲈⲨⲈ ⲦⲈⲦ.ⲚⲀ. ϪⲠⲞ ⲚⲎ.ⲦⲚ̅ Ⲛ̅Ⲛ̅.ⲞⲨ.ⲚⲞⲂⲈ ⲀⲨⲰ Ⲉ.ⲦⲈⲦⲚ.ϢⲀ̅. ϢⲖⲎⲖ ⲤⲈ.ⲚⲀ.Ⲣ̅.ⲔⲀⲦⲀⲔⲢⲒⲚⲈ Ⲙ̅ⲘⲰ.ⲦⲚ̅ ⲀⲨⲰ Ⲉ.ⲦⲈⲦⲚ̅.ϢⲀⲚ.Ϯ ⲈⲖⲈⲎⲘⲞⲤⲨⲚⲎ Ⲉ.ⲦⲈⲦ.ⲚⲀ.ⲈⲒ ⲢⲈ Ⲛ̅.ⲞⲨ.ⲔⲀⲔⲞⲚ Ⲛ̅.ⲚⲈⲦⲘ̅.Ⲡ̅Ⲛ̅Ⲁ̅ ⲀⲨⲰ Ⲉ.ⲦⲈⲦⲚ. ϢⲀⲚ.ⲂⲰⲔ ⲈϨⲞⲨⲚ Ⲉ.ⲔⲀϨ ⲚⲒⲘ ⲀⲨⲰ Ⲛ̅.ⲦⲈⲦⲘ. ⲘⲞⲞϢⲈ ϨⲚ̅ Ⲛ̅.ⲬⲰⲢⲀ Ⲉ.Ⲩ.ϢⲀ.Ⲣ̅.ⲠⲀⲢⲀⲆⲈⲬⲈ Ⲙ̅ⲘⲰ.ⲦⲚ̅ ⲠⲈⲦ.ⲞⲨ.ⲚⲀ.ⲔⲀⲀ.Ϥ ϨⲀⲢⲰ.ⲦⲚ̅ ⲞⲨⲞⲘ.Ϥ̅ ⲚⲈⲦ.ϢⲰⲚⲈ Ⲛ̅.ϨⲎⲦ.ⲞⲨ ⲈⲢⲒ.ⲐⲈⲢⲀⲠⲈⲨⲈ Ⲙ̅ⲘⲞ. ⲞⲨ ⲠⲈⲦ.ⲚⲀ.ⲂⲰⲔ ⲄⲀⲢ ⲈϨⲞⲨⲚ ϨⲚ̅ ⲦⲈⲦⲚ̅.ⲦⲀ ⲠⲢⲞ Ϥ.ⲚⲀ.ϪⲰϨⲘ̅.ⲦⲎⲨⲦⲚ̅ ⲀⲚ ⲀⲖⲖⲀ ⲠⲈⲦ.Ⲛ̅ ⲚⲎⲨ ⲈⲂⲞⲖ ϨⲚ̅ ⲦⲈⲦⲚ̅.ⲦⲀⲠⲢⲞ Ⲛ̅ⲦⲞϤ ⲠⲈ Ⲧ.ⲚⲀ.ϪⲀϨⲘ̅.ⲦⲎⲨⲦⲚ̅

ⲠⲈϪⲈ ⲒⲤ ϪⲈ ϨⲞⲦⲀⲚ Ⲉ.ⲦⲈⲦⲚ̅.ϢⲀⲚ.ⲚⲀⲨ Ⲉ.ⲠⲈⲦⲈ.Ⲙ̅Ⲡ.ⲞⲨ.ϪⲠⲞ.Ϥ ⲈⲂⲞⲖ ϨⲚ̅ Ⲧ.ⲤϨⲒⲘⲈ ⲠⲈϨⲦ.ⲦⲎⲨⲦⲚ̅ ⲈϪⲘ̅ ⲠⲈⲦⲚ̅.ϨⲞ Ⲛ̅ⲦⲈ.ⲦⲚ̅.ⲞⲨⲰϢⲦ ⲚⲀ.Ϥ ⲠⲈⲦ.Ⲙ̅ ⲘⲀⲨ ⲠⲈ ⲠⲈⲦⲚ̅.ⲈⲒⲰⲦ

ⲠⲈϪⲈ ⲒⲤ ϪⲈ ⲦⲀⲬⲀ Ⲉ.Ⲩ.ⲘⲈⲈⲨⲈ Ⲛ̅ϬⲒ Ⲣ̅.ⲢⲰⲘⲈ ϪⲈ Ⲛ̅ⲦⲀ.ⲈⲒ.ⲈⲒ Ⲉ.ⲚⲞⲨ ϪⲈ Ⲛ̅.ⲞⲨ.ⲈⲒⲢⲎⲚⲎ ⲈϪⲘ̅ Ⲡ.ⲔⲞⲤⲘⲞⲤ ⲀⲨⲰ ⲤⲈ.ⲤⲞⲞⲨⲚ ⲀⲚ ϪⲈ Ⲛ̅ⲦⲀ.ⲈⲒ.ⲈⲒ Ⲁ.ⲚⲞⲨϪⲈ Ⲛ̅.ϨⲚ̅. ⲠⲰⲢϪ ⲈϪⲚ̅ Ⲡ.ⲔⲀϨ ⲞⲨ.ⲔⲰϨⲦ ⲞⲨ.ⲤⲎϤⲈ ⲞⲨ.ⲠⲞⲖⲈⲘⲞⲤ ⲞⲨⲚ̅ ϮⲞⲨ ⲄⲀⲢ ⲚⲀ.ϢⲰ[ⲠⲈ] ϨⲚ̅ ⲞⲨ.ⲎⲈⲒ ⲞⲨⲚ̅ ϢⲞⲘⲦ ⲚⲀ.ϢⲰⲠⲈ ⲈϪⲚ̅ ⲤⲚⲀⲨ ⲀⲨⲰ ⲤⲚⲀⲨ ⲈϪⲚ̅ ϢⲞⲘⲦ Ⲡ.ⲈⲒⲰⲦ ⲈϪⲘ̅ Ⲡ.ϢⲎⲢⲈ ⲀⲨⲰ Ⲡ.ϢⲎⲢⲈ ⲈϪⲘ̅ Ⲡ.ⲈⲒⲰⲦ ⲀⲨⲰ ⲤⲈ.ⲚⲀ.ⲰϨⲈ Ⲉ.ⲢⲀⲦ.ⲞⲨ Ⲉ.Ⲩ.Ⲟ Ⲙ̅.ⲘⲞⲚⲀ ⲬⲞⲤ

ⲠⲈϪⲈ ⲒⲤ ϪⲈ Ϯ.ⲚⲀ.Ϯ ⲚⲎ.ⲦⲚ̅ Ⲙ̅.ⲠⲈⲦⲈ. Ⲙ̅ⲠⲈ.ⲂⲀⲖ ⲚⲀⲨ ⲈⲢⲞ.Ϥ ⲀⲨⲰ ⲠⲈⲦⲈ.Ⲙ̅ⲠⲈ.ⲘⲀ ⲀⲬⲈ ⲤⲞⲦⲘ.ⲈϤ ⲀⲨⲰ ⲠⲈⲦⲈ.Ⲙ̅ⲠⲈ.ϬⲒϪ ϬⲘ̅ ϬⲰⲘ.Ϥ̅ ⲀⲨⲰ Ⲙ̅ⲠⲈ.Ϥ.ⲈⲒ ⲈϨⲢⲀⲒ ϨⲒ ⲪⲎⲦ Ⲣ̅.ⲢⲰⲘⲈ

ⲠⲈϪⲈ Ⲙ̅.ⲘⲀⲐⲎⲦⲎⲤ Ⲛ̅.ⲒⲤ ϪⲈ ϪⲞ Ⲟ.Ⲥ ⲈⲢⲞ.Ⲛ ϪⲈ ⲦⲚ̅.ϨⲀⲎ Ⲉ.Ⲥ.ⲚⲀ.ϢⲰⲠⲈ Ⲛ̅. ⲀϢ Ⲛ̅.ϨⲈ ⲠⲈϪⲈ Ⲓ̅Ⲥ̅ (ϪⲈ) Ⲁ.ⲦⲈⲦⲚ̅.ϬⲰⲖⲠ ⲄⲀⲢ ⲈⲂⲞⲖ Ⲛ̅.Ⲧ.ⲀⲢⲬⲎ ϪⲈⲔⲀⲀⲤ Ⲉ.ⲦⲈⲦ.ⲚⲀ.ϢⲒⲚⲈ ⲚⲤⲀ Ⲑ.ⲀϨⲎ ϪⲈ ϨⲘ̅ Ⲡ.ⲘⲀ ⲈⲦⲈ Ⲧ.ⲀⲢⲬⲎ Ⲙ̅ⲘⲀⲨ Ⲉ. Ⲑ.ⲀϨⲎ ⲚⲀ.ϢⲰⲠⲈ Ⲙ̅ⲘⲀⲨ ⲞⲨ.ⲘⲀⲔⲀⲢⲒⲞⲤ ⲠⲈⲦ.ⲚⲀ.ⲰϨⲈ Ⲉ.ⲢⲀⲦ.Ϥ̅ ϨⲚ̅ Ⲧ.ⲀⲢⲬⲎ ⲀⲨⲰ Ϥ.ⲚⲀ.ⲤⲞⲨⲰⲚ Ⲑ.ϨⲀⲎ ⲀⲨⲰ Ϥ.ⲚⲀ.ϪⲒ.ϮⲠⲈ ⲀⲚ Ⲙ̅.ⲘⲞⲨ

ⲠⲈϪⲈ Ⲓ̅Ⲥ̅ ϪⲈ ⲞⲨ.ⲘⲀⲔⲀⲢⲒⲞⲤ ⲠⲈ Ⲛ̅ⲦⲀϨ.ϢⲰⲠⲈ ϨⲀⲦⲈϨⲎ Ⲉ.ⲘⲠⲀⲦⲈ.Ϥ.ϢⲰ ⲠⲈ Ⲉ.ⲦⲈⲦⲚ̅.ϢⲀⲚ.ϢⲰⲠⲈ ⲚⲀ.ⲈⲒ Ⲙ̅.ⲘⲀⲐⲎ ⲦⲎⲤ Ⲛ.ⲦⲈⲦⲚ̅.ⲤⲰⲦⲘ̅ Ⲁ.ⲚⲀ.ϢⲀϪⲈ ⲚⲈⲈⲒ.Ⲱ ⲚⲈ ⲚⲀ.Ⲣ̅.ⲆⲒⲀⲔⲞⲚⲈⲒ ⲚⲎ.ⲦⲚ̅ ⲞⲨⲚ̅.ⲦⲎⲦⲚ̅. ⲄⲀⲢ Ⲙ̅ⲘⲀⲨ Ⲛ̅.ϮⲞⲨ Ⲛ̅.ϢⲎⲚ ϨⲘ̅ (Ⲡ).ⲠⲀⲢⲀ ⲆⲒⲤⲞⲤ Ⲉ.ⲤⲈ.ⲔⲒⲘ ⲀⲚ Ⲛ̅.ϢⲰⲘ Ⲙ̅.ⲠⲢⲰ ⲀⲨⲰ ⲘⲀⲢⲈ.ⲚⲞⲨ.ϬⲰⲂⲈ ϨⲈ ⲈⲂⲞⲖ ⲠⲈⲦ. ⲚⲀ.ⲤⲞⲨⲰⲚ.ⲞⲨ Ϥ.ⲚⲀ.ϪⲒ ϮⲠⲈ ⲀⲚ Ⲙ̅.ⲘⲞⲨ

ⲠⲈϪⲈ Ⲙ̅.ⲘⲀⲐⲎⲦⲎⲤ Ⲛ̅.Ⲓ̅Ⲥ̅ ϪⲈ ϪⲞⲞ.Ⲥ ⲈⲢⲞ.Ⲛ ϪⲈ Ⲧ.ⲘⲚ̅Ⲧ.ⲈⲢⲞ Ⲛ.Ⲙ̅.ⲠⲎⲨⲈ Ⲉ.Ⲥ. ⲦⲚ̅ⲦⲰⲚ Ⲉ.ⲚⲒⲘ ⲠⲈϪⲀ.Ϥ ⲚⲀ.Ⲩ ϪⲈ Ⲉ.Ⲥ.ⲦⲚ̅ ⲦⲰⲚ Ⲁ.(Ⲟ)Ⲩ.ⲂⲖ̅ⲂⲒⲖⲈ Ⲛ̅.ϢⲖ̅ⲦⲀⲘ (Ⲉ.Ⲥ.)ⲤⲞⲂ̅Ⲕ̅ ⲠⲀ ⲢⲀ Ⲛ̅.ϬⲢⲞϬ ⲦⲎⲢ.ⲞⲨ ϨⲞⲦⲀⲚ ⲆⲈ Ⲉ.Ⲥ.ϢⲀ̅. ϨⲈ ⲈϪⲘ̅ Ⲡ.ⲔⲀϨ ⲈⲦ.ⲞⲨ.Ⲣ̅.ϨⲰⲂ ⲈⲢⲞ.Ϥ ϢⲀ.Ϥ. ⲦⲈⲨⲞ ⲈⲂⲞⲖ Ⲛ̅Ⲛ.ⲞⲨ.ⲚⲞϬ Ⲛ̅.ⲦⲀⲢ Ⲛ̅.Ϥ.ϢⲰ ⲠⲈ Ⲛ̅.ⲤⲔⲈⲠⲎ (Ⲛ̅.)Ⲛ̅.ϨⲀⲖⲀⲦⲈ Ⲛ̅.Ⲧ.ⲠⲈ

ⲠⲈ ϪⲈ ⲘⲀⲢⲒϨⲀⲘ Ⲛ̅.Ⲓ̅Ⲥ̅ ϪⲈ Ⲉ.ⲚⲈⲔ.ⲘⲀⲐⲎ ⲦⲎⲤ ⲈⲒⲚⲈ Ⲛ̅.ⲚⲒⲘ ⲠⲈϪⲀ.Ϥ ϪⲈ Ⲉ.Ⲩ.ⲈⲒⲚⲈ Ⲛ̅.ϨⲚ̅.ϢⲎⲢⲈ ϢⲎⲘ Ⲉ.Ⲩ.[Ϭ]ⲈⲖⲒⲦ Ⲁ.(Ⲟ)Ⲩ.ⲤⲰϢⲈ Ⲉ.ⲦⲰ ⲞⲨ ⲀⲚ ⲦⲈ ϨⲞⲦⲀⲚ Ⲉ.Ⲩ.ϢⲀ(Ⲛ).ⲈⲒ Ⲛ̅ϬⲒ Ⲛ̅.ϪⲞⲈⲒⲤ Ⲛ̅.Ⲧ.ⲤⲰϢⲈ ⲤⲈ.ⲚⲀ.ϪⲞⲞ.Ⲥ ϪⲈ ⲔⲈ.ⲦⲚ̅.ⲤⲰϢⲈ ⲈⲂⲞⲖ ⲚⲀ.Ⲛ ⲚⲦⲞⲞⲨ ⲤⲈ.ⲔⲀⲔⲀϨⲎⲨ Ⲙ̅.ⲠⲞⲨ.Ⲙ̅ ⲦⲞ ⲈⲂⲞⲖ Ⲉ.ⲦⲢ.ⲞⲨ.ⲔⲀⲀ.Ⲥ ⲈⲂⲞⲖ ⲚⲀ.Ⲩ Ⲛ.ⲤⲈ.Ϯ ⲦⲞⲨ. ⲤⲰϢⲈ ⲚⲀ.Ⲩ ⲆⲒⲀ ⲦⲞⲨⲦⲞ Ϯ.ϪⲰ ⲘⲘⲞ.Ⲥ ϪⲈ Ⲉ.Ϥ. ϢⲀ.ⲈⲒⲘⲈ Ⲛ̅ϬⲒ Ⲡ.ϪⲈ[ⲈⲒⲤ Ϩ]Ⲛ̅ ⲎⲈⲒ ϪⲈ Ϥ.ⲚⲎⲨ Ⲛ̅ϬⲒ Ⲡ.ⲢⲈϤ.ϪⲒⲞⲨⲈ Ϥ.ⲚⲀ.ⲢⲞⲈⲒⲤ Ⲉ.ⲘⲠⲀⲦⲈ.Ϥ.ⲈⲒ Ⲛ̅.Ϥ.ⲦⲘ̅. ⲔⲀⲀ.Ϥ Ⲉ.ϢⲞϪⲦ ⲈϨⲞⲨⲚ Ⲉ.ⲠⲈϤ.ⲎⲈⲒ Ⲛ̅ⲦⲈ.ⲦⲈϤ. ⲘⲚ̅Ⲧ.ⲈⲢⲞ ⲈⲦⲢⲈ.Ϥ.ϤⲒ Ⲛ̅.ⲚⲈϤ.ⲤⲔⲈⲨⲞⲤ ⲚⲦⲰⲦⲚ ⲆⲈ ⲢⲞⲈⲒⲤ ϨⲀ Ⲧ.ⲈϨⲎ Ⲙ̅.Ⲡ.ⲔⲞⲤⲘⲞⲤ ⲘⲞⲨⲢ Ⲙ̅ ⲘⲰ.ⲦⲚ̅ ⲈϪⲚ̅ ⲚⲈⲦⲚ̅.ϮⲠⲈ ϨⲚ̅Ⲛ̅ ⲞⲨ.ⲚⲞϬ Ⲛ̅.ⲆⲨ ⲚⲀⲘⲒⲤ ϢⲒⲚⲀ ϪⲈ (Ⲛ̅)ⲚⲈ.Ⲛ.ⲖⲎⲤⲦⲎⲤ ϨⲈ Ⲉ.(Ⲩ).ϨⲒⲎ Ⲉ.ⲈⲒ ϢⲀⲢⲰ.ⲦⲚ̅ ⲈⲠⲈⲒ ⲦⲈ.ⲬⲢⲈⲒⲀ Ⲉ.ⲦⲈⲦⲚ̅.ϬⲰϢⲦ ⲈⲂⲞⲖ ϨⲎⲦ.Ⲥ̅ ⲤⲈ.ⲚⲀ.ϨⲈ ⲈⲢⲞ.Ⲥ ⲘⲀⲢⲈ.Ϥ.ϢⲰⲠⲈ ϨⲚ̅ ⲦⲈⲦⲚ̅.ⲘⲎⲦⲈ Ⲛ̅ϬⲒ ⲞⲨ.ⲢⲰⲘⲈ Ⲛ̅.ⲈⲠⲒⲤⲦⲎ ⲘⲰⲚ Ⲛ̅ⲦⲀⲢⲈ.Ⲡ.ⲔⲀⲢⲠⲞⲤ ⲠⲞϨ Ⲁ.Ϥ.ⲈⲒ ϨⲚ̅Ⲛ̅ ⲞⲨ. ϬⲈⲠⲎ Ⲉ.ⲠⲈϤ.ⲀⲤϨ ϨⲚ̅ ⲦⲈϤ.ϬⲒϪ Ⲁ.Ϥ.ϨⲀⲤ.Ϥ ⲠⲈ ⲦⲈ.ⲞⲨⲚ̅.ⲘⲀⲀϪⲈ Ⲙ̅ⲘⲞ.Ϥ Ⲉ.ⲤⲰⲦⲘ̅ ⲘⲀⲢⲈ.Ϥ.ⲤⲰⲦⲘ̅

Ⲁ.Ⲓ̅Ⲥ̅ ⲚⲀⲨ Ⲁ.ϨⲚ̅.ⲔⲞⲨⲈⲒ Ⲉ.Ⲩ.ϪⲒ ⲈⲢⲰⲦⲈ ⲠⲈϪⲀ.Ϥ Ⲛ̅. ⲚⲈϤ.ⲘⲀⲐⲎⲦⲎⲤ ϪⲈ ⲚⲈⲈⲒ.ⲔⲞⲨⲈⲒ ⲈⲦ.ϪⲒ ⲈⲢⲰ ⲦⲈ Ⲉ.Ⲩ.ⲦⲚ̅ⲦⲰⲚ Ⲁ.ⲚⲈⲦ.ⲂⲎⲔ ⲈϨⲞⲨⲚ Ⲁ.Ⲧ.ⲘⲚ̅ Ⲧ.ⲈⲢⲞ ⲠⲈϪⲀ.Ⲩ ⲚⲀ.Ϥ ϪⲈ ⲈⲈⲒⲈ (Ⲉ).Ⲛ.Ⲟ Ⲛ̅.ⲔⲞⲨⲈⲒ ⲦⲚ̅. ⲚⲀ.ⲂⲰⲔ ⲈϨⲞⲨⲚ Ⲉ.Ⲧ.ⲘⲚ̅Ⲧ.ⲈⲢⲞ ⲠⲈϪⲈ Ⲓ̅Ⲏ̅Ⲥ̅ ⲚⲀ.Ⲩ ϪⲈ ϨⲞⲦⲀⲚ Ⲉ.ⲦⲈⲦⲚ̅.ϢⲀ.Ⲣ̅.Ⲡ(Ⲉ).ⲤⲚⲀⲨ ⲞⲨⲀ ⲀⲨⲰ Ⲉ. ⲦⲈⲦⲚ̅.ϢⲀ(Ⲛ).Ⲣ̅.Ⲡ.ⲤⲀ Ⲛ.ϨⲞⲨⲚ Ⲛ̅.ⲐⲈ Ⲙ̅.Ⲡ.ⲤⲀ Ⲛ.ⲂⲞⲖ ⲀⲨⲰ Ⲡ.ⲤⲀ Ⲛ.ⲂⲞⲖ Ⲛ̅.ⲐⲈ Ⲙ̅.Ⲡ.ⲤⲀ Ⲛ.ϨⲞⲨⲚ ⲀⲨⲰ Ⲡ.ⲤⲀ (Ⲛ̅).Ⲧ.ⲠⲈ Ⲛ̅.ⲐⲈ Ⲙ̅.Ⲡ.ⲤⲀ Ⲙ.Ⲡ.ⲒⲦⲚ̅ ⲀⲨⲰ ϢⲒⲚⲀ Ⲉ.ⲦⲈ Ⲧ.ⲚⲀ.ⲈⲒⲢⲈ Ⲙ̅.ⲪⲞⲞⲨⲦ ⲘⲚ̅ Ⲧ.ⲤϨⲒⲘⲈ Ⲙ̅.ⲠⲒ.ⲞⲨⲀ ⲞⲨⲰⲦ ϪⲈⲔⲀⲀⲤ (Ⲛ̅)ⲚⲈ.ⲪⲞⲞⲨⲦ Ⲣ̅.ϨⲞⲞⲨⲦ ⲚⲦⲈ. Ⲧ.ⲤϨⲒⲘⲈ Ⲣ̅.ⲤϨⲒⲘⲈ ϨⲞⲦⲀⲚ Ⲉ.ⲦⲈⲦⲚ̅.ϢⲀ(Ⲛ).ⲈⲒⲢⲈ Ⲛ̅.ϨⲚ̅.ⲂⲀⲖ Ⲉ.Ⲡ.ⲘⲀ Ⲛ̅.ⲞⲨ.ⲂⲀⲖ ⲀⲨⲰ ⲞⲨ.ϬⲒϪ Ⲉ.Ⲡ.ⲘⲀ Ⲛ̅Ⲛ̅.ⲞⲨ.ϬⲒϪ ⲀⲨⲰ (ⲞⲨ.)ⲞⲨⲈⲢⲎⲦⲈ Ⲉ.Ⲡ.ⲘⲀ Ⲛ̅.(ⲞⲨ.)ⲞⲨⲈⲢⲎⲦⲈ ⲞⲨ.ϨⲒⲔⲰⲚ Ⲉ.Ⲡ.ⲘⲀ Ⲛ̅.ⲞⲨ.ϨⲒⲔⲰ̅ ⲦⲞⲦⲈ ⲦⲈⲦ.ⲚⲀ.ⲂⲰⲔ ⲈϨⲞⲨⲚ [Ⲉ.Ⲧ.ⲘⲚ̅Ⲧ.ⲈⲢⲞ

ⲠⲈϪⲈ Ⲓ̅Ⲥ̅ ϪⲈ Ϯ.ⲚⲀ.ⲤⲈ[Ⲧ]Ⲡ.ⲦⲎⲚⲈ ⲞⲨⲀ ⲈⲂⲞⲖ ϨⲚ̅ ϢⲞ ⲀⲨⲰ ⲤⲚⲀⲨ ⲈⲂⲞⲖ ϨⲚ̅ ⲦⲂⲀ ⲀⲨⲰ ⲤⲈ.ⲚⲀ.ⲰϨⲈ Ⲉ.ⲢⲀⲦ.ⲞⲨ Ⲉ.Ⲩ.Ⲟ ⲞⲨⲀ ⲞⲨⲰⲦ

ⲠⲈ ϪⲈ ⲚⲈϤ.ⲘⲀⲐⲎⲦⲎⲤ ϪⲈ ⲘⲀ.Ⲧ.ⲤⲈⲂⲞ.Ⲛ Ⲉ.Ⲡ.ⲦⲞ ⲠⲞⲤ ⲈⲦ.Ⲕ.Ⲙ̅ⲘⲀⲨ ⲈⲠⲈⲒ Ⲧ.ⲀⲚⲀⲄⲔⲎ ⲈⲢⲞ.Ⲛ̅ ⲦⲈ Ⲉ.ⲦⲢⲚ̅.ϢⲒⲚⲈ Ⲛ̅ⲤⲰ.Ϥ ⲠⲈϪⲀ.Ϥ ⲚⲀ.Ⲩ ϪⲈ ⲠⲈⲦ.ⲈⲨ Ⲛ̅.ⲘⲀⲀϪⲈ Ⲙ̅ⲘⲞ.Ϥ ⲘⲀⲢⲈ.Ϥ.ⲤⲰⲦⲘ̅ ⲞⲨⲚ̅ ⲞⲨ ⲞⲈⲒⲚ ϢⲞⲞⲠ Ⲙ.ⲪⲞⲨⲚ Ⲛ̅Ⲛ̅.ⲞⲨ.ⲢⲘ̅.ⲞⲨⲞⲈⲒⲚ ⲀⲨⲰ Ϥ.Ⲣ̅.ⲞⲨⲞⲈⲒⲚ Ⲉ.Ⲡ.ⲔⲞⲤⲘⲞⲤ Ⲉ.Ϥ.ⲦⲘ̅. Ⲣ̅.ⲞⲨⲞⲈⲒⲚ ⲞⲨ.ⲔⲀⲔⲈ ⲠⲈ

ⲠⲈϪⲈ Ⲓ̅Ⲥ̅ ϪⲈ ⲘⲈⲢⲈ ⲠⲈⲔ.ⲤⲞⲚ Ⲛ̅.ⲐⲈ Ⲛ̅.ⲦⲈⲔ.ⲮⲨⲬⲈ ⲈⲢⲒ.ⲦⲎⲢⲈⲒ Ⲙ̅ⲘⲞ.Ϥ Ⲛ̅.ⲐⲈ Ⲛ̅.Ⲧ.ⲈⲖⲞⲨ Ⲙ.ⲠⲈⲔ.ⲂⲀⲖ

ⲠⲈϪⲈ Ⲓ̅Ⲥ̅ ϪⲈ Ⲡ.ϪⲎ ⲈⲦ.ϨⲘ̅ Ⲡ.ⲂⲀⲖ Ⲙ̅.ⲠⲈⲔ.ⲤⲞⲚ Ⲕ.ⲚⲀⲨ ⲈⲢⲞ.Ϥ Ⲡ.ⲤⲞⲈⲒ ⲆⲈ ⲈⲦ.ϨⲘ̅ ⲠⲈⲔ.ⲂⲀⲖ Ⲕ.ⲚⲀⲨ ⲀⲚ ⲈⲢⲞ.Ϥ ϨⲞⲦⲀⲚ Ⲉ.Ⲕ.ϢⲀⲚ.ⲚⲞⲨϪⲈ Ⲙ̅.Ⲡ.ⲤⲞⲈⲒ ⲈⲂⲞⲖ ϨⲘ̅ ⲠⲈⲔ. ⲂⲀⲖ ⲦⲞⲦⲈ Ⲕ.ⲚⲀ.ⲚⲀⲨ ⲈⲂⲞⲖ Ⲉ.ⲚⲞⲨϪⲈ Ⲙ̅.Ⲡ.ϪⲎ ⲈⲂⲞⲖ ϨⲘ Ⲡ.ⲂⲀⲖ Ⲙ̅.ⲠⲈⲔ.ⲤⲞⲚ

Ⲉ.ⲦⲈ(ⲦⲚ̅).ⲦⲘ̅.Ⲣ̅.ⲚⲎ ⲤⲦⲈⲨⲈ Ⲉ.Ⲡ.ⲔⲞⲤⲘⲞⲤ ⲦⲈⲦ.ⲚⲀ.ϨⲈ ⲀⲚ Ⲉ.Ⲧ.ⲘⲚ̅Ⲧ.Ⲉ ⲢⲞ Ⲉ.ⲦⲈⲦⲚ̅.ⲦⲘ̅.ⲈⲒⲢⲈ Ⲙ̅.Ⲡ.ⲤⲀⲘⲂⲀⲦⲞⲚ Ⲛ̅.ⲤⲀⲂ ⲂⲀⲦⲞⲚ Ⲛ̅.ⲦⲈⲦ.ⲚⲀ.ⲚⲀⲨ ⲀⲚ Ⲉ.Ⲡ.ⲈⲒⲰⲦ

ⲠⲈϪⲈ Ⲓ̅Ⲥ̅ ϪⲈ Ⲁ.ⲈⲒ.ⲰϨⲈ Ⲉ.ⲢⲀⲦ ϨⲚ̅ Ⲧ.ⲘⲎⲦⲈ Ⲙ̅.Ⲡ.ⲔⲞⲤ ⲘⲞⲤ ⲀⲨⲰ Ⲁ.ⲈⲒ.ⲞⲨⲰⲚϨ ⲈⲂⲞⲖ ⲚⲀ.Ⲩ ϨⲚ̅ ⲤⲀⲢⲜ Ⲁ.ⲈⲒ.ϨⲈ ⲈⲢⲞ.ⲞⲨ ⲦⲎⲢ.ⲞⲨ Ⲉ.Ⲩ.ⲦⲀϨⲈ Ⲙ̅Ⲡ.Ⲓ.ϨⲈ Ⲉ.ⲖⲀ ⲀⲨ Ⲛ̅.ϨⲎⲦ.ⲞⲨ Ⲉ.Ϥ.ⲞⲂⲈ ⲀⲨⲰ Ⲁ.ⲦⲀ.ⲮⲨⲬⲎ Ϯ.ⲦⲔⲀⲤ ⲈϪⲚ̅ Ⲛ̅.ϢⲎⲢⲈ Ⲛ̅.Ⲣ̅.ⲢⲰⲘⲈ ϪⲈ ϨⲚ̅ ⲂⲖ̅ⲖⲈⲈⲨ Ⲉ ⲚⲈ ϨⲘ̅ ⲠⲞⲨ.ϨⲎⲦ ⲀⲨⲰ ⲤⲈ.ⲚⲀⲨ ⲈⲂⲞⲖ ⲀⲚ ϪⲈ Ⲛ̅ⲦⲀ.Ⲩ.ⲈⲒ Ⲉ.Ⲡ.ⲔⲞⲤⲘⲞⲤ Ⲉ.Ⲩ.ϢⲞⲨⲈⲒⲦ Ⲉ.Ⲩ. ϢⲒⲚⲈ ⲞⲚ ⲈⲦⲢ.ⲞⲨ.ⲈⲒ ⲈⲂⲞⲖ ϨⲘ̅ Ⲡ.ⲔⲞⲤⲘⲞⲤ Ⲉ.Ⲩ.ϢⲞⲨⲈⲒⲦ ⲠⲖⲎⲚ ⲦⲈⲚⲞⲨ ⲤⲈ.ⲦⲞϨⲈ ϨⲞ ⲦⲀⲚ Ⲉ.Ⲩ.ϢⲀⲚ.ⲚⲈϨ ⲠⲞⲨ.ⲎⲢⲠ ⲦⲞⲦⲈ ⲤⲈ.ⲚⲀ.Ⲣ̅. ⲘⲈⲦⲀⲚⲞⲈⲒ

ⲠⲈϪⲈ ⲒⲤ (ϪⲈ) ⲈϢϪⲈ Ⲛ̅ⲦⲀ.Ⲧ.ⲤⲀⲢⲜ ϢⲰⲠⲈ ⲈⲦⲂⲈ Ⲡ̅Ⲛ̅Ⲁ̅ ⲞⲨ.ϢⲠⲎⲢⲈ ⲦⲈ ⲈϢ ϪⲈ Ⲡ̅Ⲛ̅Ⲁ̅ ⲆⲈ ⲈⲦⲂⲈ Ⲡ.ⲤⲰⲘⲀ ⲞⲨ.ϢⲠⲎⲢⲈ Ⲛ̅.ϢⲠⲎⲢⲈ ⲠⲈ ⲀⲖⲖⲀ ⲀⲚⲞⲔ Ϯ.Ⲣ̅.ϢⲠⲎⲢⲈ Ⲙ̅.ⲠⲀⲈⲒ ϪⲈ ⲠⲞ[Ⲥ ⲦⲈ]ⲈⲒ.ⲚⲞϬ Ⲙ̅.ⲘⲚ̅Ⲧ.ⲢⲘ̅.ⲘⲀ Ⲟ Ⲁ.Ⲥ.ⲞⲨⲰϨ ϨⲚ̅ ⲦⲈⲈⲒ.ⲘⲚ̅Ⲧ.ϨⲎⲔⲈ

ⲠⲈϪⲈ Ⲓ̅Ⲥ̅ ϪⲈ Ⲡ.ⲘⲀ ⲈⲨⲚ̅ ϢⲰⲘⲦ Ⲛ̅.ⲚⲞⲨⲦⲈ Ⲙ̅ⲘⲀⲨ ϨⲚ̅ ⲚⲞⲨⲦⲈ ⲚⲈ Ⲡ.ⲘⲀ ⲈⲨⲚ̅ ⲤⲚⲀⲨ Ⲏ ⲞⲨⲀ ⲀⲚⲞⲔ Ϯ.ϢⲞⲞⲠ ⲚⲘⲘⲀ.Ϥ

ⲠⲈϪⲈ Ⲓ̅Ⲥ̅ (ϪⲈ) ⲘⲚ̅ ⲠⲢⲞⲪⲎ ⲦⲎⲤ ϢⲎⲠ ϨⲘ̅ ⲠⲈϤ.ϮⲘⲈ ⲘⲀⲢⲈ.ⲤⲞⲈⲒⲚ Ⲣ̅.ⲐⲈ ⲢⲀⲠⲈⲨⲈ Ⲛ̅.ⲚⲈⲦ.ⲤⲞⲞⲨⲚ Ⲙ̅ⲘⲞ.Ϥ

ⲠⲈϪⲈ Ⲓ̅Ⲥ̅ ϪⲈ ⲞⲨ.ⲠⲞⲖⲒⲤ Ⲉ.Ⲩ.ⲔⲰⲦ Ⲙ̅ⲘⲞ.Ⲥ ϨⲒϪⲚ̅ ⲞⲨ.ⲦⲞ ⲞⲨ Ⲉ.Ϥ.ϪⲞⲤⲈ Ⲉ.Ⲥ.Ⲧ.ⲀϪⲢⲎⲨ ⲘⲚ̅ ϬⲞⲘ Ⲛ.Ⲥ.ϨⲈ ⲞⲨⲆⲈ Ⲥ.ⲚⲀ.Ϣ.ϨⲰⲦ ⲀⲚ

ⲠⲈϪⲈ Ⲓ̅Ⲥ̅ (ϪⲈ) ⲠⲈⲦ.Ⲕ.ⲚⲀ. ⲤⲰⲦⲘ̅ ⲈⲢⲞ.Ϥ ϨⲘ̅ ⲠⲈⲔ.ⲘⲀⲀϪⲈ ϨⲘ̅ Ⲡ.ⲔⲈ.ⲘⲀ ⲀϪⲈ Ⲧ.ⲀϢⲈ.ⲞⲈⲒϢ Ⲙ̅ⲘⲞ.Ϥ ϨⲒϪⲚ̅ ⲚⲈⲦⲚ̅.ϪⲈ ⲚⲈⲠⲰⲢ ⲘⲀⲢⲈ.ⲖⲀⲀⲨ ⲄⲀⲢ ϪⲈⲢⲈ ϨⲎⲂ̅Ⲥ̅ Ⲛ̅.Ϥ. ⲔⲀⲀ.Ϥ ϨⲀ ⲘⲀⲀϪⲈ ⲞⲨⲆⲈ ⲘⲀ.Ϥ.ⲔⲀⲀ.Ϥ ϨⲘ̅ ⲘⲀ Ⲉ.Ϥ.ϨⲎⲠ ⲀⲖⲖⲀ Ⲉ.ϢⲀⲢⲈ.Ϥ.ⲔⲀⲀ.Ϥ ϨⲒϪⲚ̅ Ⲧ.ⲖⲨ ⲬⲚⲒⲀ ϪⲈⲔⲀⲀⲤ ⲞⲨⲞⲚ ⲚⲒⲘ ⲈⲦ.ⲂⲎⲔ ⲈϨⲞⲨⲚ ⲀⲨⲰ ⲈⲦ.Ⲛ̅ⲚⲎⲨ ⲈⲂⲞⲖ Ⲉ.Ⲩ.ⲚⲀ.ⲚⲀⲨ Ⲁ.ⲠⲈϤ.ⲞⲨ ⲞⲈⲒⲚ

ⲠⲈϪⲈ Ⲓ̅Ⲥ̅ ϪⲈ ⲞⲨ.ⲂⲖ̅ⲖⲈ Ⲉ.Ϥ.ϢⲀⲚ̅.ⲤⲰⲔ ϨⲎⲦ.Ϥ Ⲛ̅Ⲛ̅.ⲞⲨ.ⲂⲖ̅ⲖⲈ ϢⲀ.Ⲩ.ϨⲈ Ⲙ̅.ⲠⲈ.ⲤⲚⲀⲨ Ⲉ.Ⲡ.ⲈⲤⲎⲦ Ⲉ.(Ⲟ)Ⲩ.ϨⲒⲈⲒⲦ

ⲠⲈϪⲈ Ⲓ̅Ⲥ̅ (ϪⲈ) ⲘⲚ̅.ϬⲞⲘ Ⲛ̅ⲦⲈ.ⲞⲨⲀ ⲂⲰⲔ ⲈϨⲞⲨⲚ Ⲉ.Ⲡ.ⲎⲈⲒ Ⲙ̅.Ⲡ.ϪⲰ ⲰⲢⲈ Ⲛ̅.Ϥ.ϪⲒⲦ.Ϥ Ⲛ̅.ϪⲚⲀϨ ⲈⲒⲘⲎⲦⲒ Ⲛ̅.Ϥ.ⲘⲞⲨⲢ Ⲛ̅.ⲚⲈϤ.ϬⲒϪ ⲦⲞⲦⲈ Ϥ.ⲚⲀ.ⲠⲰⲰⲚⲈ ⲈⲂⲞⲖ Ⲙ̅.ⲠⲈϤ.ⲎⲈⲒ

ⲠⲈϪⲈ Ⲓ̅Ⲥ̅ (ϪⲈ) ⲘⲚ̅.ϤⲒ.ⲢⲞⲞⲨϢ ϪⲒ̅ ϨⲦⲞⲞⲨⲈ ϢⲀ ⲢⲞⲨϨⲈ ⲀⲨⲰ ϪⲒⲚ ⲢⲞⲨϨⲈ ϢⲀ ϨⲦⲞⲞⲨⲈ ϪⲈ ⲞⲨ ⲠⲈ ⲈⲦ.ⲚⲀ.ⲦⲀⲀ.Ϥ ϨⲒⲰⲦ ⲦⲎⲨⲦⲚ̅

ⲠⲈϪⲈ ⲚⲈϤ.ⲘⲀⲐⲎⲦⲎⲤ ϪⲈ ⲀϢ Ⲛ̅. ϨⲞⲞⲨ Ⲉ.Ⲕ.ⲚⲀ.ⲞⲨⲰⲚϨ ⲈⲂⲞⲖ ⲚⲀ.Ⲛ ⲀⲨⲰ ⲀϢ Ⲛ̅.ϨⲞⲞⲨ Ⲉ.(Ⲛ.)ⲚⲀ.ⲚⲀⲨ ⲈⲢⲞ.Ⲕ ⲠⲈϪⲈ Ⲓ̅Ⲥ̅ ϪⲈ ϨⲞ ⲦⲀⲚ Ⲉ.ⲦⲈⲦⲚ̅.ϢⲀ(Ⲛ).ⲔⲈⲔ.ⲦⲎⲨⲦⲚ̅ ⲈϨⲎⲨ Ⲙ̅Ⲡ.Ⲉ ⲦⲚ̅.ϢⲒⲠⲈ ⲀⲨⲰ Ⲛ̅.ⲦⲈⲦⲚ̅.ϤⲒ Ⲛ̅.ⲚⲈⲦⲚ̅.ϢⲦⲎⲚ Ⲛ̅.ⲦⲈⲦⲚ̅.ⲔⲀⲀ.Ⲩ ϨⲀ Ⲡ.ⲈⲤⲎⲦ Ⲛ̅.ⲚⲈⲦⲚ̅.ⲞⲨⲈⲢⲎ ⲦⲈ Ⲛ̅.ⲐⲈ Ⲛ̅.ⲚⲒ.ⲔⲞⲨⲈⲒ Ⲛ̅.ϢⲎⲢⲈ ϢⲎⲘ Ⲛ̅ⲦⲈ. ⲦⲚ̅.ϪⲞⲠϪⲠ̅ Ⲙ̅ⲘⲞ.ⲞⲨ ⲦⲞⲦ[Ⲉ ⲦⲈⲦ.ⲚⲀ.ⲚⲀ]Ⲩ Ⲉ.Ⲡ.ϢⲎⲢⲈ Ⲙ̅.ⲠⲈⲦ.ⲞⲚϨ ⲀⲨⲰ ⲦⲈⲦ.ⲚⲀ.Ⲣ̅. ϨⲞⲦⲈ ⲀⲚ

ⲠⲈϪⲈ Ⲓ̅Ⲥ̅ ϪⲈ ϨⲀϨ Ⲛ̅.ⲤⲞⲠ Ⲁ.ⲦⲈⲦⲚ̅. Ⲣ̅.ⲈⲠⲒⲐⲨⲘⲈⲒ Ⲉ.ⲤⲰⲦⲘ̅ Ⲁ.ⲚⲈⲈⲒ.ϢⲀϪⲈ ⲚⲀⲈⲒ Ⲉ.Ϯ.ϪⲰ Ⲙ̅ⲘⲞ.ⲞⲨ ⲚⲎ.ⲦⲚ̅ ⲀⲨⲰ ⲘⲚ̅.ⲦⲎ.ⲦⲚ̅ ⲔⲈ.ⲞⲨⲀ Ⲉ.ⲤⲞⲦⲘ.ⲞⲨ Ⲛ̅.ⲦⲞⲞⲦ.Ϥ̅ ⲞⲨⲚ̅ ϨⲚ̅ ϨⲞ ⲞⲨ ⲚⲀ.ϢⲰⲠⲈ Ⲛ̅.ⲦⲈⲦⲚ̅.ϢⲒⲚⲈ Ⲛ̅ⲤⲰ.ⲈⲒ ⲦⲈ Ⲧ.ⲚⲀ.ϨⲈ ⲀⲚ ⲈⲢⲞ.ⲈⲒ

ⲠⲈϪⲈ Ⲓ̅Ⲥ̅ ϪⲈ Ⲙ̅ ⲪⲀⲢⲒⲤⲀⲒ ⲞⲤ Ⲙ̅Ⲛ Ⲛ̅.ⲄⲢⲀⲘⲘⲀⲦⲈⲨⲤ Ⲁ.Ⲩ.ϪⲒ Ⲛ̅.ϢⲀϢⲦ Ⲛ̅.Ⲧ.ⲄⲚⲰⲤⲒⲤ Ⲁ.Ⲩ.ϨⲞⲠ.ⲞⲨ ⲞⲨⲦⲈ Ⲙ̅Ⲡ.ⲞⲨ.ⲂⲰⲔ ⲈϨⲞⲨⲚ ⲀⲨⲰ ⲚⲈⲦ.ⲞⲨⲰϢ Ⲉ.ⲂⲰⲔ ⲈϨⲞⲨⲚ Ⲙ̅ Ⲡ.ⲞⲨ.ⲔⲀⲀ.Ⲩ Ⲛ̅.ⲦⲰⲦⲚ̅ ⲆⲈ ϢⲰⲠⲈ Ⲙ.ⲪⲢⲞⲚⲒⲘⲞⲤ Ⲛ̅.ⲐⲈ Ⲛ̅.Ⲛ.ϨⲞϤ ⲀⲨⲰ Ⲛ̅.ⲀⲔⲈⲢⲀⲒⲞⲤ Ⲛ̅.ⲐⲈ Ⲛ̅.Ⲛ̅. ϬⲢⲞⲘⲠⲈ

ⲠⲈϪⲈ Ⲓ̅Ⲥ̅ (ϪⲈ) ⲞⲨ.ⲂⲈ Ⲛ.ⲈⲖⲞⲞⲖⲈ Ⲁ.Ⲩ. ⲦⲞϬ.Ⲥ Ⲙ̅.Ⲡ.ⲤⲀ Ⲛ.ⲂⲞⲖ Ⲙ̅.Ⲡ.ⲈⲒⲰⲦ ⲀⲨⲰ Ⲉ.Ⲥ.ⲦⲀ ϪⲢⲎⲨ ⲀⲚ ⲤⲈ.ⲚⲀ.ⲠⲞⲢⲔ.Ⲥ̅ ϨⲀ ⲦⲈⲤ.ⲚⲞⲨⲚⲈ Ⲛ̅.Ⲥ. ⲦⲀⲔⲞ

ⲠⲈϪⲈ Ⲓ̅Ⲥ̅ ϪⲈ ⲠⲈⲦ.ⲈⲨⲚ̅ⲦⲀ.Ϥ ϨⲚ̅ ⲦⲈϤ. ϬⲒϪ ⲤⲈ.ⲚⲀ.Ϯ ⲚⲀ.Ϥ ⲀⲨⲰ ⲠⲈⲦⲈ.ⲘⲚ̅.ⲦⲀ.Ϥ Ⲡ.ⲔⲈ. ϢⲎⲘ ⲈⲦ.ⲞⲨⲚ̅ⲦⲀ.Ϥ ⲤⲈ.ⲚⲀ.ϤⲒⲦ.Ϥ̅ Ⲛ̅.ⲦⲞⲞⲦ.Ϥ

ⲠⲈϪⲈ Ⲓ̅Ⲥ̅ ϪⲈ ϢⲰⲠⲈ Ⲉ.ⲦⲈⲦⲚ̅.Ⲣ̅.ⲠⲀⲢⲀⲄⲈ

ⲠⲈϪⲀ.Ⲩ ⲚⲀ.Ϥ Ⲛ̅ϬⲒ ⲚⲈϤ.ⲘⲀⲐⲎⲦⲎⲤ ϪⲈ Ⲛ̅ⲦⲀⲔ ⲚⲒⲘ Ⲉ.Ⲕ.ϪⲰ Ⲛ̅.ⲚⲀⲒ ⲚⲀ.Ⲛ ϨⲚ̅ ⲚⲈϮ.ϪⲰ Ⲙ̅ ⲘⲞ.ⲞⲨ ⲚⲎ.ⲦⲚ̅ Ⲛ̅.ⲦⲈⲦⲚ̅.ⲈⲒⲘⲈ ⲀⲚ ϪⲈ ⲀⲚⲞⲔ ⲚⲒⲘ ⲀⲖⲖⲀ Ⲛ̅ⲦⲰⲦⲚ̅ Ⲁ.ⲦⲈⲦⲚ̅.ϢⲰⲠⲈ Ⲛ̅.ⲐⲈ Ⲛ̅. ⲚⲒ.ⲒⲞⲨⲆⲀⲒⲞⲤ ϪⲈ ⲤⲈ.ⲘⲈ Ⲙ̅.Ⲡ.ϢⲎⲚ ⲤⲈ.ⲘⲞⲤ ⲦⲈ Ⲙ̅.ⲠⲈϤ.ⲔⲀⲢⲠⲞⲤ ⲀⲨⲰ ⲤⲈ.ⲘⲈ Ⲙ̅.Ⲡ.ⲔⲀⲢⲠⲞⲤ ⲤⲈ.ⲘⲞⲤⲦⲈ Ⲙ̅.Ⲡ.ϢⲎⲚ

ⲠⲈϪⲈ Ⲓ̅Ⲥ̅ ϪⲈ ⲠⲈⲦⲀ.ϪⲈ ⲞⲨⲀ Ⲁ.Ⲡ.ⲈⲒⲰⲦ ⲤⲈ.ⲚⲀ.ⲔⲰ ⲈⲂⲞⲖ ⲚⲀ.Ϥ ⲀⲨⲰ ⲠⲈⲦⲀ.ϪⲈ ⲞⲨⲀ Ⲉ.Ⲡ.ϢⲎⲢⲈ ⲤⲈ.ⲚⲀ.ⲔⲰ ⲈⲂⲞⲖ ⲚⲀ.Ϥ ⲠⲈⲦⲀ.ϪⲈ ⲞⲨⲀ ⲆⲈ Ⲁ.Ⲡ.Ⲡ̅Ⲛ̅Ⲁ̅ ⲈⲦ.ⲞⲨⲀⲀⲂ ⲤⲈ.ⲚⲀ.ⲔⲰ ⲀⲚ ⲈⲂⲞⲖ ⲚⲀ.Ϥ ⲞⲨⲦⲈ ϨⲘ̅ Ⲡ.ⲔⲀϨ ⲞⲨⲦⲈ ϨⲚ Ⲧ.ⲠⲈ

ⲠⲈϪⲈ Ⲓ̅Ⲥ̅ (ϪⲈ) ⲘⲀ.Ⲩ.ϪⲈⲖⲈ ⲈⲖⲞⲞ ⲖⲈ ⲈⲂⲞⲖ ϨⲚ̅ ϢⲞⲚⲦⲈ ⲞⲨⲦⲈ ⲘⲀ.Ⲩ.ⲔⲰⲦϤ ⲔⲚ̅ⲦⲈ ⲈⲂⲞⲖ ϨⲚ̅ ⲤⲢ̅ϬⲀⲘⲞⲨⲖ ⲘⲀ.Ⲩ.Ϯ ⲔⲀⲢⲠⲞⲤ Ⲅ[ⲀⲢ ⲞⲨ.ⲀⲄ]ⲀⲐⲞⲤ Ⲣ̅.ⲢⲰⲘⲈ ϢⲀ.Ϥ.ⲈⲒⲚⲈ Ⲛ̅. ⲞⲨ.ⲀⲄⲀⲐⲞⲚ ⲈⲂⲞⲖ [ϨⲘ̅] ⲠⲈϤ.ⲈϨⲞ ⲞⲨ.ⲔⲀ[ⲔⲞⲤ Ⲣ̅.ⲢⲰⲘⲈ ϢⲀ.Ϥ.ⲈⲒⲚⲈ Ⲛ̅.ϨⲚ̅.ⲠⲞⲚⲈⲢⲞⲚ ⲈⲂⲞⲖ ϨⲘ̅ ⲠⲈϤ.ⲈϨⲞ Ⲉ.ⲐⲞⲞⲨ ⲈⲦ.ϨⲚ̅.ⲠⲈϤ.ϨⲎⲦ ⲀⲨ Ⲱ Ⲛ̅.Ϥ.ϪⲰ Ⲛ̅.ϨⲚ̅.ⲠⲞⲚⲈⲢⲞⲚ ⲈⲂⲞⲖ ⲄⲀⲢ ϨⲘ̅ Ⲫ.ⲞⲨⲞ Ⲙ̅.ⲪⲎⲦ ϢⲀ.Ϥ.ⲈⲒⲚⲈ ⲈⲂⲞⲖ Ⲛ̅.ϨⲚ̅.ⲠⲞ ⲚⲎⲢⲞⲚ

ⲠⲈϪⲈ Ⲓ̅Ⲥ̅ ϪⲈ ϪⲒⲚ ⲀⲆⲀⲘ ϢⲀ ⲒⲰϨⲀ̅ ⲚⲎⲤ Ⲡ.ⲂⲀⲠⲦⲒⲤⲦⲎⲤ ϨⲚ̅ Ⲛ̅.ϪⲠⲞ Ⲛ̅.Ⲛ̅.ϨⲒⲞⲘⲈ ⲘⲚ̅.ⲠⲈⲦ.ϪⲞⲤⲈ Ⲁ.ⲒⲰϨⲀⲚⲚⲎⲤ Ⲡ.ⲂⲀⲠⲦⲒ ⲤⲦⲎⲤ ϢⲒⲚⲀ ϪⲈ Ⲛ.ⲞⲨⲰϬⲠ Ⲛ̅ϬⲒ ⲚⲈϤ.ⲂⲀⲖ Ⲁ.ⲈⲒ.ϪⲞⲞ.Ⲥ ⲆⲈ ϪⲈ ⲠⲈⲦ.ⲚⲀ.ϢⲰⲠⲈ ϨⲚ̅ ⲦⲎⲨ ⲦⲚ̅ Ⲉ.Ϥ.Ⲟ Ⲛ̅.ⲔⲞⲨⲈⲒ Ϥ.ⲚⲀ.ⲤⲞⲨⲰⲚ Ⲧ.ⲘⲚ̅Ⲧ.Ⲉ ⲢⲞ ⲀⲨⲰ Ϥ.ⲚⲀ.ϪⲒⲤⲈ Ⲁ.ⲒⲰϨⲀⲚⲚⲎⲤ

ⲠⲈϪⲈ Ⲓ̅Ⲥ̅ ϪⲈ ⲘⲚ̅.ϬⲞⲘ Ⲛ̅ⲦⲈ.ⲞⲨ.ⲢⲰⲘⲈ ⲦⲈⲖⲞ Ⲁ.ϨⲦⲞ ⲤⲚⲀⲨ Ⲛ̅.Ϥ.ϪⲰⲖⲔ Ⲙ̅.ⲠⲒⲦⲈ ⲤⲚ̅ⲦⲈ ⲀⲨⲰ ⲘⲚ̅. ϬⲞⲘ Ⲛ̅ⲦⲈ.ⲞⲨ.ϨⲘϨ̅Ⲁ̅Ⲗ̅ ϢⲘ̅ϢⲈ ϪⲞⲈⲒⲤ ⲤⲚⲀⲨ Ⲏ Ϥ.ⲚⲀ.Ⲣ̅.ⲦⲒⲘⲀ Ⲙ̅.Ⲡ.ⲞⲨⲀ ⲀⲨⲰ Ⲡ.ⲔⲈ.ⲞⲨⲀ Ϥ.ⲚⲀ. Ⲣ̅.ϨⲨⲂⲢⲒⲌⲈ Ⲙ̅ⲘⲞ.Ϥ

ⲘⲀ.ⲢⲈ.ⲢⲰⲘⲈ ⲤⲈ (Ⲛ̅.)Ⲣ̅Ⲡ ⲀⲤ ⲀⲨⲰ Ⲛ̅.Ⲧ.ⲈⲨⲚⲞⲨ Ⲛ̅.Ϥ.ⲈⲠⲒⲐⲨⲘⲈⲒ Ⲁ.ⲤⲰ (Ⲛ̅.)ⲎⲢⲠ Ⲃ̅.ⲂⲢⲢⲈ ⲀⲨⲰ ⲘⲀ.Ⲩ.ⲚⲞⲨϪ (Ⲛ̅.)ⲎⲢⲠ Ⲃ̅.ⲂⲢ̅ⲢⲈ Ⲉ.ⲀⲤ ⲔⲞⲤ Ⲛ̅.ⲀⲤ ϪⲈⲔⲀⲀⲤ Ⲛ̅ⲚⲞ.Ⲩ.ⲠⲰϨ ⲀⲨⲰ ⲘⲀ.Ⲩ. ⲚⲈϪ (Ⲛ.)ⲎⲢⲠ Ⲛ̅.ⲀⲤ Ⲉ.ⲀⲤⲔⲞⲤ Ⲃ̅.ⲂⲢⲢⲈ ϢⲒⲚⲀ ϪⲈ (Ⲛ̅)ⲚⲈ.Ϥ.ⲦⲈⲔⲀ.Ϥ ⲘⲀ.Ⲩ.ϪⲖ̅Ϭ ⲦⲞⲈⲒⲤ Ⲛ̅.ⲀⲤ Ⲁ.ϢⲦⲎ̅ Ⲛ̅.ϢⲀⲈⲒ ⲈⲠⲈⲒ ⲞⲨⲚ ⲞⲨ.ⲠⲰϨ ⲚⲀ.ϢⲰⲠⲈ

ⲠⲈϪⲈ Ⲓ̅Ⲥ̅ ϪⲈ ⲈⲢϢⲀ.ⲤⲚⲀⲨ Ⲣ̅.ⲈⲒⲢⲎⲚⲎ ⲘⲚ̅ ⲚⲞⲨ.ⲈⲢⲎⲨ ϨⲘ̅ ⲠⲈⲒ.ⲎⲈⲒ ⲞⲨⲰⲦ ⲤⲈ.ⲚⲀ.ϪⲞⲞ.Ⲥ Ⲙ̅.Ⲡ.ⲦⲀⲨ ϪⲈ ⲠⲰⲰⲚⲈ ⲈⲂⲞⲖ ⲀⲨⲰ Ϥ.ⲚⲀ.ⲠⲰ

ⲠⲈϪⲈ Ⲓ̅Ⲥ̅ ϪⲈ ϨⲈⲚ ⲘⲀⲔⲀⲢⲒⲞⲤ ⲚⲈ Ⲛ. ⲘⲞⲚⲀⲬⲞⲤ ⲀⲨⲰ ⲈⲦ.ⲤⲞⲦⲠ ϪⲈ ⲦⲈⲦ.ⲚⲀ. ϨⲈ Ⲁ.Ⲧ.ⲘⲚ̅Ⲧ.ⲈⲢⲞ ϪⲈ Ⲛ̅.ⲦⲰⲦⲚ̅ ϨⲚ̅ ⲈⲂⲞⲖ Ⲛ̅.ϨⲎⲦ.Ⲥ̅ ⲠⲀⲖⲒⲚ Ⲉ.ⲦⲈⲦ.ⲚⲀ.ⲂⲰⲔ ⲈⲘⲀⲨ

ⲠⲈ ϪⲈ Ⲓ̅Ⲥ̅ ϪⲈ Ⲉ.Ⲩ.ϢⲀⲚ.ϪⲞⲞ.Ⲥ ⲚⲎ.ⲦⲚ̅ ϪⲈ Ⲛ̅ⲦⲀ. ⲦⲈⲦⲚ̅.ϢⲰⲠⲈ ⲈⲂⲞⲖ ⲦⲰⲚ ϪⲞⲞ.Ⲥ ⲚⲀ.Ⲩ ϪⲈ Ⲛ̅ⲦⲀ.Ⲛ.ⲈⲒ ⲈⲂⲞⲖ ϨⲘ̅ Ⲡ.ⲞⲨⲞⲈⲒⲚ Ⲡ.ⲘⲀ ⲈⲚⲦ.Ⲁ.Ⲡ.ⲞⲨⲞⲈⲒⲚ.ϢⲰⲠⲈ Ⲙ̅ⲘⲀⲨ ⲈⲂⲞⲖ ϨⲒ ⲦⲞⲞⲦ.Ϥ ⲞⲨⲀⲀⲦ.Ϥ Ⲁ.Ϥ.ⲰϨ[Ⲉ Ⲉ.ⲢⲀⲦ.Ϥ̅ Ⲁ]ⲨⲰ Ⲁ.Ϥ.ⲞⲨⲰ[ⲚϨ ⲈⲂ]ⲞⲖ [Ϩ]Ⲛ̅ ⲦⲞⲨ.ϨⲒⲔⲰⲚ Ⲉ.Ⲩ. ϢⲀ(Ⲛ).ϪⲞⲞ.Ⲥ ⲚⲎ.ⲦⲚ̅ ϪⲈ Ⲛ̅.ⲦⲰⲦⲚ̅ ⲠⲈ ϪⲞⲞ.Ⲥ ϪⲈ ⲀⲚⲞⲚ ⲚⲈϤ.ϢⲎⲢⲈ ⲀⲨⲰ ⲀⲚⲞⲚ Ⲛ̅.ⲤⲰⲦⲠ Ⲙ̅.Ⲡ.ⲈⲒⲰⲦ ⲈⲦ.ⲞⲚϨ Ⲉ.Ⲩ.ϢⲀⲚ.ϪⲚⲈ.ⲦⲎⲨⲦⲚ̅ ϪⲈ ⲞⲨ ⲠⲈ Ⲡ.ⲘⲀⲈⲒⲚ Ⲙ̅.ⲠⲈⲦⲚ̅.ⲈⲒⲰⲦ ⲈⲦ.ϨⲚ̅ ⲦⲎⲨⲦⲚ̅ ϪⲞⲞ.Ⲥ ⲈⲢⲞ.ⲞⲨ ϪⲈ ⲞⲨ.ⲔⲒⲘ ⲠⲈ ⲘⲚ̅ ⲞⲨ.ⲀⲚⲀⲠⲀⲨⲤⲒⲤ

ⲠⲈϪⲀ.Ⲩ ⲚⲀ.Ϥ Ⲛ̅ϬⲒ ⲚⲈϤ.ⲘⲀ ⲐⲎⲦⲎⲤ ϪⲈ ⲀϢ Ⲛ̅.ϨⲞⲞⲨ Ⲉ.Ⲧ.ⲀⲚⲀⲠⲀⲨⲤⲒⲤ Ⲛ̅. ⲚⲈⲦ.ⲘⲞⲞⲨⲦ ⲚⲀ.ϢⲰⲠⲈ ⲀⲨⲰ ⲀϢ Ⲛ̅.ϨⲞⲞⲨ Ⲉ.Ⲡ.ⲔⲞⲤⲘⲞⲤ Ⲃ̅.ⲂⲢ̅ⲢⲈ ⲚⲎⲨ ⲠⲈϪⲀ.Ϥ ⲚⲀ.Ⲩ ϪⲈ ⲦⲎ Ⲉ.ⲦⲈⲦⲚ̅.ϬⲰϢⲦ ⲈⲂⲞⲖ ϨⲎⲦ.Ⲥ̅ Ⲁ.Ⲥ.ⲈⲒ ⲀⲖⲖⲀ Ⲛ̅ⲦⲰⲦⲚ̅ ⲦⲈⲦⲚ̅.ⲤⲞⲞⲨⲚ ⲀⲚ Ⲙ̅ⲘⲞ.Ⲥ

ⲠⲈϪⲀ.Ⲩ ⲚⲀ.Ϥ Ⲛ̅ϬⲒ ⲚⲈϤ.ⲘⲀⲐⲎⲦⲎⲤ ϪⲈ ϪⲞⲨⲦ.ⲀϤⲦⲈ Ⲙ̅.ⲠⲢⲞⲪⲎⲦⲎⲤ Ⲁ.Ⲩ.ϢⲀϪⲈ ϨⲘ̅ Ⲡ.ⲒⲤⲢⲀⲎⲖ ⲀⲨⲰ Ⲁ.Ⲩ.ϢⲀϪⲈ ⲦⲎⲢ.ⲞⲨ ϨⲢⲀⲒ Ⲛ̅.ϨⲎⲦ.Ⲕ ⲠⲈ ϪⲀ.Ϥ ⲚⲀ.Ⲩ ϪⲈ Ⲁ.ⲦⲈⲦⲚ̅.ⲔⲰ Ⲙ̅.ⲠⲈⲦ.ⲞⲚϨ Ⲙ̅.ⲠⲈ ⲦⲚ̅.Ⲙ̅ⲦⲞ ⲈⲂⲞⲖ ⲀⲨⲰ Ⲁ.ⲦⲈⲦⲚ̅.ϢⲀϪⲈ ϨⲀ ⲚⲈⲦ. ⲘⲞⲞⲨⲦ

ⲠⲈϪⲀ.Ⲩ ⲚⲀ.Ϥ Ⲛ̅ϬⲒ ⲚⲈϤ.ⲘⲀⲰⲎⲦⲎⲤ ϪⲈ Ⲡ.ⲤⲂ̅ⲂⲈ Ⲣ̅.ⲰⲪⲈⲖⲈⲒ Ⲏ Ⲙ̅ⲘⲞ.Ⲛ ⲠⲈϪⲀ.Ϥ ⲚⲀ.Ⲩ ϪⲈ ⲚⲈ.Ϥ.Ⲣ̅.ⲰⲪⲈⲖⲈⲒ ⲚⲈ.ⲠⲞⲨ.ⲈⲒⲰⲦ ⲚⲀ. ϪⲠⲞ.ⲞⲨ ⲈⲂⲞⲖ ϨⲚ̅ ⲦⲞⲨ.ⲘⲀⲀⲨ Ⲉ.Ⲩ.ⲤⲂ̅ⲂⲎⲨ ⲀⲖⲖⲀ Ⲡ.ⲤⲂ̅ⲂⲈ Ⲙ̅.ⲘⲈ ϨⲘ̅ Ⲡ̅Ⲛ̅Ⲁ̅ Ⲁ.Ϥ.ϬⲚ̅ ϨⲎⲨ ⲦⲎⲢ.Ϥ

ⲠⲈϪⲈ Ⲓ̅Ⲥ̅ ϪⲈ ϨⲚ̅ ⲘⲀⲔⲀⲢⲒⲞⲤ ⲚⲈ Ⲛ.ϨⲎ ⲔⲈ ϪⲈ ⲦⲰⲦⲚ̅ ⲦⲈ Ⲧ.ⲘⲚ̅Ⲧ.ⲈⲢⲞ Ⲛ.Ⲙ̅.ⲠⲎⲨⲈ

ⲠⲈϪⲈ Ⲓ̅Ⲥ̅ ϪⲈ ⲠⲈⲦⲀ.ⲘⲈⲤⲦⲈ ⲠⲈϤ.ⲈⲒⲰⲦ ⲀⲚ ⲘⲚ̅ ⲦⲈϤ.ⲘⲀⲀⲨ Ϥ.ⲚⲀ.Ϣ.Ⲣ̅.ⲘⲀⲐⲎⲦⲎⲤ ⲀⲚ ⲚⲀ.ⲈⲒ ⲀⲨⲰ Ⲛ̅.Ϥ.ⲘⲈⲤⲦⲈ ⲚⲈϤ.ⲤⲚⲎⲨ ⲘⲚ̅ ⲚⲈϤ.ⲤⲰⲚⲈ Ⲛ̅.Ϥ.ϤⲈⲒ Ⲙ̅.ⲠⲈϤ.ⲤⲢ̅ⲞⲤ Ⲛ̅.ⲦⲀ.ϨⲈ Ϥ.ⲚⲀ.ϢⲰⲠⲈ ⲀⲚ Ⲉ.Ϥ.Ⲟ Ⲛ̅.ⲀⲜⲒⲞⲤ ⲚⲀ.ⲈⲒ

ⲠⲈ ϪⲈ Ⲓ̅Ⲥ̅ ϪⲈ ⲠⲈ.ⲚⲦⲀϨ.ⲤⲞⲨⲰⲚ Ⲡ.ⲔⲞⲤⲘⲞⲤ Ⲁ.Ϥ. ϨⲈ Ⲉ.Ⲩ.ⲠⲦⲰⲘⲀ ⲀⲨⲰ ⲠⲈ.ⲚⲦⲀϨ.ϨⲈ Ⲉ.Ⲁ.ⲠⲦⲰ ⲘⲀ Ⲡ.ⲔⲞⲤⲘⲞⲤ Ⲙ̅ⲠϢⲀ Ⲙ̅ⲘⲞ.Ϥ ⲀⲚ

ⲠⲈ ϪⲈ Ⲓ̅Ⲥ̅ ϪⲈ Ⲧ.ⲘⲚ̅Ⲧ.ⲈⲢⲞ Ⲙ̅.Ⲡ.ⲈⲒⲰⲦ Ⲉ.Ⲥ.ⲦⲚ̅ⲦⲰ̅ Ⲁ.(Ⲟ)Ⲩ.ⲢⲰⲘⲈ ⲈⲨⲚ̅ⲦⲀ.Ϥ Ⲙ̅ⲘⲀⲨ Ⲛ̅Ⲛ̅.ⲞⲨ.ϬⲢⲞϬ Ⲉ.ⲚⲀⲚⲞⲨ].Ϥ Ⲁ.ⲠⲈϤ.ϪⲀϪⲈ ⲈⲒ Ⲛ̅.Ⲧ.ⲞⲨϢⲎ Ⲁ.Ϥ.ⲤⲒⲦⲈ Ⲛ̅.ⲞⲨ.ⲌⲒⲌⲀⲚⲒ[ⲞⲚ ⲈϪ]Ⲛ̅ ⲠⲈ.ϬⲢⲞ[Ϭ Ⲉ Ⲧ.ⲚⲀⲚⲞⲨ.Ϥ Ⲙ̅ⲠⲈ.Ⲡ.ⲢⲰⲘⲈ ⲔⲞⲞ.Ⲩ Ⲉ.ϨⲰⲖⲈ Ⲙ̅.Ⲡ.ⲌⲒⲌⲀⲚⲒⲞⲚ ⲠⲈϪⲈ.Ϥ ⲚⲀ.Ⲩ ϪⲈ ⲘⲎⲠⲰⲤ Ⲛ̅ⲦⲈⲦⲚ̅.ⲂⲰⲔ ϪⲈ Ⲉ.ⲚⲀ.ϨⲰⲖⲈ Ⲙ.Ⲡ.ⲌⲒⲌⲀⲚⲒⲞ̅ Ⲛ̅ⲦⲈⲦⲚ̅.ϨⲰⲖⲈ Ⲙ.Ⲡ.ⲤⲞⲨⲞ ⲚⲘ̅ⲘⲀ.Ϥ ϨⲘ̅ Ⲫ.Ⲟ ⲞⲨ ⲄⲀⲢ Ⲙ̅.Ⲡ.ⲰϨ̅Ⲥ̅ Ⲛ̅.ⲌⲒⲌⲀⲚⲒⲞⲚ ⲚⲀ.ⲞⲨⲰⲚϨ ⲈⲂⲞⲖ ⲤⲈ.ϨⲞⲖ.ⲞⲨ Ⲛ̅.ⲤⲈ.ⲢⲞⲔϨ.ⲞⲨ

ⲠⲈϪⲈ Ⲓ̅Ⲥ̅ ϪⲈ ⲞⲨ.ⲘⲀⲔⲀⲢⲒⲞⲤ ⲠⲈ Ⲡ.ⲢⲰⲘⲈ (ⲈⲦ.)Ⲛ̅ⲦⲀϨ.ϨⲒⲤⲈ Ⲁ.Ϥ.ϨⲈ Ⲁ.Ⲡ.ⲰⲚϨ

ⲠⲈϪⲈ Ⲓ̅Ⲥ̅ ϪⲈ ϬⲰϢⲦ Ⲛ̅ⲤⲀ ⲠⲈ Ⲧ.ⲞⲚϨ ϨⲰⲤ Ⲉ.ⲦⲈⲦⲚ.ⲞⲚϨ ϨⲒⲚⲀ ϪⲈ ⲚⲈⲦⲘ̅.ⲘⲞⲨ ⲀⲨⲰ Ⲛ̅ⲦⲈⲦⲚ̅.ϢⲒⲚⲈ Ⲉ.ⲚⲀⲨ ⲈⲢⲞ.Ϥ ⲀⲨⲰ ⲦⲈⲦ.ⲚⲀ.Ϣ ϬⲘ̅ϬⲞⲘ̅ ⲀⲚ Ⲉ.ⲚⲀⲨ

(ⲞⲨ.ⲚⲀⲨ) Ⲁ.(Ⲟ)Ⲩ.ⲤⲀⲘⲀⲢⲈⲒⲦⲎⲤ Ⲉ.Ϥ.ϤⲒ Ⲛ̅ Ⲛ̅.ⲞⲨ.ϨⲒⲈⲒⲂ Ⲉ.Ϥ.ⲂⲎⲔ ⲈϨⲞⲨⲚ Ⲉ.Ϯ.(Ⲓ)ⲞⲨⲆⲀⲒⲀ ⲠⲈ ϪⲀ.Ϥ Ⲛ̅.ⲚⲈϤ.ⲘⲀⲐⲎⲦⲎⲤ ϪⲈ ⲠⲎ Ⲙ.Ⲡ.ⲔⲰⲦⲈ Ⲙ̅.ⲠⲈ.ϨⲒⲈⲒⲂ ⲠⲈϪⲀ.Ⲩ ⲚⲀ.Ϥ (ϪⲈ) ϪⲈⲔⲀⲀⲤ Ⲉ.Ϥ.ⲚⲀ. ⲘⲞⲞⲨⲦ.Ϥ Ⲛ̅.Ϥ.ⲞⲨⲞⲘ.Ϥ ⲠⲈϪⲀ.Ϥ ⲚⲀ.Ⲩ (ϪⲈ) ϨⲰⲤ Ⲉ. Ϥ.ⲞⲚϨ Ϥ.ⲚⲀ.ⲞⲨⲞⲘ.Ϥ ⲀⲚ ⲀⲖⲖⲀ Ⲉ.Ϥ.ϢⲀ.ⲘⲞ ⲞⲨⲦ.Ϥ Ⲛ̅.Ϥ.ϢⲰⲠⲈ Ⲛ̅.ⲞⲨ.ⲠⲦⲰⲘⲀ ⲠⲈϪⲀ.Ⲩ ϪⲈ Ⲛ̅.ⲔⲈ.ⲤⲘⲞⲦ Ϥ.ⲚⲀ.Ϣ.Ⲁ.Ⲥ ⲀⲚ ⲠⲈϪⲀ.Ϥ ⲚⲀ.Ⲩ ϪⲈ Ⲛ̅ⲦⲰⲦⲚ̅ ϨⲰⲦ.ⲦⲎⲨⲦⲚ̅ ϢⲒⲚⲈ Ⲛ̅ⲤⲀ ⲞⲨ. ⲦⲞⲠⲞⲤ ⲚⲎ.ⲦⲚ̅ ⲈϨⲞⲨⲚ Ⲉ.(Ⲟ)Ⲩ.ⲀⲚⲀⲠⲀⲨⲤⲒⲤ ϪⲈⲔⲀⲀⲤ Ⲛ̅.ⲚⲈⲦⲚ̅.ϢⲰⲠⲈ ⲀⲚ Ⲙ̅.ⲠⲦⲰⲘⲀ Ⲛ̅.ⲤⲈ. ⲞⲨⲞⲘ ⲦⲎⲨⲦⲚ̅

ⲠⲈϪⲈ Ⲓ̅Ⲥ̅ (ϪⲈ) ⲞⲨⲚ̅ ⲤⲚⲀⲨ.ⲚⲀ.Ⲙ̅ ⲦⲞⲚ Ⲙ̅ⲘⲀⲨ ϨⲒ ⲞⲨ.ϬⲖⲞϬ Ⲡ.ⲞⲨⲀ.ⲚⲀ.ⲘⲞⲨ Ⲡ.ⲞⲨ Ⲁ.ⲚⲀ.ⲰⲚϨ

ⲠⲈϪⲈ.ⲤⲀⲖⲰⲘⲎ (ϪⲈ) Ⲛ̅ⲦⲀⲔ ⲚⲒⲘ Ⲡ.ⲢⲰⲘⲈ ϨⲰⲤ ⲈⲂⲞⲖ.ϨⲚ̅ ⲞⲨⲀ Ⲁ.Ⲕ.ⲦⲈⲔⲞ ⲈϪⲘ̅ ⲠⲀ.ϬⲖⲞϬ ⲀⲨⲰ Ⲁ.Ⲕ.ⲞⲨⲰⲘ ⲈⲂⲞⲖ.ϨⲚ̅ ⲦⲀ. ⲦⲢⲀⲠⲈⲌⲀ ⲠⲈϪⲈ.Ⲓ̅Ⲥ̅ ⲚⲀ.Ⲥ ϪⲈ ⲀⲚⲞⲔ ⲠⲈ ⲠⲈⲦ.ϢⲞⲞⲠ ⲈⲂⲞⲖ ϨⲘ̅ ⲠⲈⲦ.ϢⲎϢ Ⲁ.Ⲩ.Ϯ ⲚⲀ.ⲈⲒ ⲈⲂⲞⲖ.ϨⲚ̅ ⲚⲀ.ⲠⲀ.ⲈⲒⲰⲦ ⲀⲚⲞⲔ ⲦⲈⲔ. ⲘⲀⲐⲎⲦⲎⲤ ⲈⲦⲂⲈ ⲠⲀⲈⲒ Ϯ.ϪⲰ Ⲙ̅ⲘⲞ.Ⲥ ϪⲈ ϨⲞⲦⲀⲚ Ⲉ.Ϥ.ϢⲀ.ϢⲰⲠⲈ Ⲉ.Ϥ.ϢⲎϤ Ϥ.ⲚⲀ.ⲘⲞⲨϨ ⲞⲨⲞⲈⲒⲚ ϨⲞⲦⲀⲚ ⲆⲈ Ⲉ.Ϥ.ϢⲀⲚ.ϢⲰⲠⲈ Ⲉ.Ϥ. ⲠⲎϢ Ϥ.ⲚⲀ.ⲘⲞⲨϨ Ⲛ̅.ⲔⲀⲔⲈ

ⲠⲈϪⲈ Ⲓ̅Ⲥ̅ ϪⲈ ⲈⲒ. ϪⲰ Ⲛ̅.ⲚⲀ.ⲘⲨⲤⲦⲎⲢⲒⲞⲚ Ⲛ̅.ⲚⲈⲦ.Ⲙ̅ⲠϢⲀ Ⲛ̅. ⲚⲀ.Ⲙ]ⲨⲤⲦⲎⲢⲒⲞⲚ ⲠⲈ[Ⲧ].ⲦⲈⲔ.ⲞⲨⲚⲀⲘ.ⲚⲀ.Ⲁ.Ϥ ⲘⲚ̅.ⲦⲢⲈ.ⲦⲈⲔ.ϨⲂⲞⲨⲢ ⲈⲒⲘⲈ ϪⲈ Ⲉ.Ⲥ.Ⲣ.ⲞⲨ

ⲠⲈϪⲈ Ⲓ̅Ⲥ̅ ϪⲈ ⲚⲈ.ⲨⲚ̅ ⲞⲨ.ⲢⲰⲘⲈ Ⲙ̅.ⲠⲖⲞⲨⲤⲒⲞⲤ ⲈⲨⲚ̅ⲦⲀ.Ϥ Ⲙ̅ ⲘⲀⲨ Ⲛ̅.ϨⲀϨ Ⲛ̅.ⲬⲢⲎⲘⲀ ⲠⲈϪⲀ.Ϥ ϪⲈ Ϯ.ⲚⲀ.Ⲣ̅.ϪⲢⲰ Ⲛ̅. ⲚⲀ.ⲬⲢⲎⲘⲀ ϪⲈⲔⲀⲀⲤ Ⲉ.ⲈⲒ.ⲚⲀ.ϪⲞ Ⲛ̅ⲦⲀ.ⲰⲤϨ Ⲛ̅ⲦⲀ.ⲦⲰϬⲈ Ⲛ̅ⲦⲀ.ⲘⲞⲨϨ Ⲛ̅.ⲚⲀ.ⲈϨⲰⲢ Ⲛ̅.ⲔⲀⲢ ⲠⲞⲤ ϢⲒⲚⲀ ϪⲈ Ⲛ.Ⲓ.Ⲣ̅.ϬⲢⲰϨ Ⲗ̅.ⲖⲀⲀⲨ ⲚⲀⲈⲒ ⲚⲈ ⲚⲈϤ.ⲘⲈⲈⲨⲈ ⲈⲢⲞ.ⲞⲨ ϨⲘ̅ ⲠⲈϤ.ϨⲎⲦ ⲀⲨⲰ ϨⲚ̅ Ⲧ.ⲞⲨϢⲎ ⲈⲦ.Ⲙ̅ⲘⲀⲨ Ⲁ.Ϥ.ⲘⲞⲨ ⲠⲈⲦ.ⲈⲨⲘ̅ ⲘⲀ(Ⲁ)ϪⲈ Ⲙ̅ⲘⲞ.Ϥ ⲘⲀⲢⲈ.Ϥ.ⲤⲰⲦⲘ̅

ⲠⲈϪⲈ Ⲓ̅Ⲥ̅ ϪⲈ ⲞⲨ.ⲢⲰ ⲘⲈ ⲚⲈ.ⲨⲚ̅ⲦⲀ.Ϥ ϨⲚ̅ ϢⲘ̅ⲘⲞ ⲀⲨⲰ Ⲛ̅ⲦⲀⲢⲈ.Ϥ.ⲤⲞⲂ ⲦⲈ Ⲙ̅.Ⲡ.ⲆⲒⲠⲚⲞⲚ Ⲁ.Ϥ.ϪⲞⲞⲨ Ⲙ̅.ⲠⲈϤ.ϨⲘϨ̅Ⲁ̅Ⲗ̅ ϢⲒ ⲚⲀ Ⲉ.Ϥ.ⲚⲀ.ⲦⲰϨⲘ Ⲛ̅.Ⲛ̅.ϢⲘ̅ⲘⲞⲈⲒ Ⲁ.Ϥ.ⲂⲰⲔ Ⲙ̅. Ⲡ.ϢⲞⲢⲠ ⲠⲈϪⲀ.Ϥ ⲚⲀ.Ϥ ϪⲈ ⲠⲀ.ϪⲞⲈⲒⲤ ⲦⲰϨⲘ̅ Ⲙ̅ⲘⲞ.Ⲕ ⲠⲈϪⲀ.Ϥ ϪⲈ ⲞⲨⲚ̅ⲦⲀ.ⲈⲒ ϨⲚ̅ ϨⲞⲘⲦ Ⲁ.ϨⲈⲚ.ⲈⲘⲠⲞⲢⲞⲤ ⲤⲈ.Ⲛ̅ⲚⲎⲨ ϢⲀⲢⲞ.ⲈⲒ Ⲉ.ⲢⲞⲨϨⲈ Ϯ.ⲚⲀ.ⲂⲰⲔ Ⲛ̅ⲦⲀ.ⲞⲨⲈϨ ⲤⲀϨⲚⲈ ⲚⲀ.Ⲩ Ϯ.Ⲣ̅.ⲠⲀⲢⲀⲒ ⲦⲈⲒ Ⲙ̅.Ⲡ.ⲆⲒⲠⲚⲞⲚ Ⲁ.Ϥ.ⲂⲰⲔ ϢⲀ ⲔⲈ.ⲞⲨⲀ ⲠⲈ ϪⲀ.Ϥ ⲚⲀ.Ϥ ϪⲈ Ⲁ.ⲠⲀ.ϪⲞⲈⲒⲤ ⲦⲰϨⲘ̅ Ⲙ̅ⲘⲞ.Ⲕ ⲠⲈϪⲀ.Ϥ ⲚⲀ.Ϥ ϪⲈ Ⲁ.ⲈⲒ.ⲦⲞⲞⲨ (Ⲛ̅).ⲞⲨ.ⲎⲈⲒ ⲀⲨⲰ ⲤⲈ. Ⲣ̅.ⲀⲒⲦⲈⲒ Ⲙ̅ⲘⲞ.ⲈⲒ Ⲛ̅.ⲞⲨ.ϨⲎⲘⲈⲢⲀ Ϯ.ⲚⲀ.ⲤⲢ̅ϤⲈ Ⲁ̅ Ⲁ.Ϥ.ⲈⲒ ϢⲀ ⲔⲈ.ⲞⲨⲀ ⲠⲈϪⲀ.Ϥ ⲚⲀ.Ϥ ϪⲈ ⲠⲀ.ϪⲞ ⲈⲒⲤ ⲦⲰϨⲘ̅ Ⲙ̅ⲘⲞ.Ⲕ ⲠⲈϪⲀ.Ϥ ⲚⲀ.Ϥ ϪⲈ ⲠⲀ.ϢⲂⲎⲢ ⲚⲀ.Ⲣ̅.ϢⲈⲖⲈⲈⲦ ⲀⲨⲰ ⲀⲚⲞⲔ ⲈⲦ.ⲚⲀ.Ⲣ̅.ⲆⲒⲠⲚⲞⲚ Ϯ.ⲚⲀ.Ϣ (Ⲉ)Ⲓ ⲀⲚ Ϯ.Ⲣ̅.ⲠⲀⲢⲀⲒⲦⲈⲒ Ⲙ̅.Ⲡ.ⲆⲒⲠⲚⲞⲚ Ⲁ.Ϥ. ⲂⲰⲔ ϢⲀ ⲔⲈ.ⲞⲨⲀ ⲠⲈϪⲀ.Ϥ ⲚⲀ.Ϥ ϪⲈ ⲠⲀ.ϪⲞⲈⲒⲤ ⲦⲰϨⲘ Ⲙ̅ⲘⲞ.Ⲕ ⲠⲈϪⲀ.Ϥ ⲚⲀ.Ϥ ϪⲈ Ⲁ.ⲈⲒ.ⲦⲞⲞⲨ Ⲛ̅. ⲞⲨ.ⲔⲰⲘⲎ Ⲉ.ⲈⲒ.ⲂⲰⲔ Ⲁ.ϪⲒ (Ⲛ̅).Ⲛ̅.ϢⲰⲘ Ϯ.ⲚⲀ.Ϣ (Ⲉ)Ⲓ ⲀⲚ Ϯ.Ⲣ̅.ⲠⲀⲢⲀⲒⲦⲈⲒ Ⲁ.Ϥ.ⲈⲒ Ⲛ̅ϬⲒ Ⲡ.ϨⲘϨ̅Ⲁ̅Ⲗ̅ Ⲁ.Ϥ.ϪⲞ Ⲟ.Ⲥ Ⲁ.ⲠⲈϤ.ϪⲞⲈⲒⲤ ϪⲈ ⲚⲈ.ⲚⲦⲀ.Ⲕ.ⲦⲀϨⲘ.ⲞⲨ Ⲁ. Ⲡ.ⲆⲒⲠⲚⲞⲚ Ⲁ.Ⲩ.ⲠⲀⲢⲀⲒⲦⲈⲒ ⲠⲈϪⲈ Ⲡ.ϪⲞⲈⲒⲤ Ⲙ̅. ⲠⲈϤ.ϨⲘϨ̅Ⲁ̅Ⲗ̅ ϪⲈ ⲂⲰⲔ Ⲉ.Ⲡ.ⲤⲀ Ⲛ.ⲂⲞⲖ Ⲁ.Ⲛ.ϨⲒⲞ ⲞⲨⲈ ⲚⲈⲦ.Ⲕ.ⲚⲀ.ϨⲈ ⲈⲢⲞ.ⲞⲨ ⲈⲚⲒ.ⲞⲨ ϪⲈⲔⲀⲀⲤ Ⲉ.Ⲩ.ⲚⲀ.Ⲣ̅.ⲆⲒⲠⲚⲈⲒ Ⲛ̅.ⲢⲈϤ.ⲦⲞⲞⲨ ⲘⲚ̅ Ⲛ.Ⲉ.ϢⲞ ⲦⲈ Ⲉ.Ⲩ.ⲚⲀ.ⲂⲰ]Ⲕ ⲀⲚ ⲈϨⲞⲨⲚ Ⲉ.Ⲛ.ⲦⲞⲠⲞⲤ Ⲙ̅.ⲠⲀ.ⲒⲰⲦ

ⲠⲈϪⲀ.Ϥ ϪⲈ ⲞⲨ.ⲢⲰⲘⲈ Ⲛ̅.ⲬⲢⲎ[ⲤⲦⲞ]Ⲥ ⲚⲈ.ⲨⲚ̅[ⲦⲀ.Ϥ Ⲛ̅.ⲞⲨ.ⲘⲀ Ⲛ̅.ⲈⲖⲞⲞⲖⲈ Ⲁ.Ϥ.ⲦⲀⲀ.Ϥ Ⲛ̅.[Ϩ]Ⲛ̅.ⲞⲨⲞⲈⲒⲈ ϢⲒⲚⲀ Ⲉ.Ⲩ.ⲚⲀ.Ⲣ̅.ϨⲰⲂ ⲈⲢⲞ.Ϥ Ⲛ̅.Ϥ.ϪⲒ [Ⲙ̅].ⲠⲈϤ.ⲔⲀⲢ ⲠⲞⲤ Ⲛ̅.ⲦⲞⲞⲦ.ⲞⲨ Ⲁ.Ϥ.ϪⲞⲞⲨ Ⲙ̅.ⲠⲈϤ.ϨⲘϨ̅Ⲁ̅Ⲗ̅ ϪⲈ ⲔⲀⲀⲤ Ⲉ.Ⲛ.ⲞⲨⲞⲈⲒⲈ ⲚⲀ.Ϯ ⲚⲀ.Ϥ Ⲙ̅.Ⲡ.ⲔⲀⲢⲠⲞⲤ Ⲙ̅. Ⲡ.ⲘⲀ Ⲛ̅.ⲈⲖⲞⲞⲖⲈ Ⲁ.Ⲩ.ⲈⲘⲀϨⲦⲈ Ⲙ̅.ⲠⲈϤ.ϨⲘ̅Ϩ̅Ⲁ̅Ⲗ̅ Ⲁ.Ⲩ.ϨⲒⲞⲨⲈ ⲈⲢⲞ.Ϥ ⲚⲈ.ⲔⲈ.ⲔⲞⲨⲈⲒ ⲠⲈ ⲤⲈ.ⲘⲞⲞⲨⲦ.Ϥ Ⲁ.Ⲡ.ϨⲘϨ̅Ⲁ̅Ⲗ̅.ⲂⲰⲔ Ⲁ.Ϥ.ϪⲞⲞ.Ⲥ Ⲉ.ⲠⲈϤ.ϪⲞⲈⲒⲤ ⲠⲈ ϪⲈ ⲠⲈϤ.ϪⲞⲈⲒⲤ ϪⲈ ⲘⲈϢⲀⲔ Ⲙ̅ⲠⲈ.Ϥ.ⲤⲞⲨⲰ Ⲛ.ⲞⲨ Ⲁ.Ϥ.ϪⲞⲞⲨ Ⲛ̅.ⲔⲈ.ϨⲘϨ̅Ⲁ̅Ⲗ̅ Ⲁ.Ⲛ.ⲞⲨⲞⲈⲒⲈ ϨⲒ ⲞⲨⲈ Ⲉ.Ⲡ.ⲔⲈ ⲞⲨⲀ ⲦⲞⲦⲈ Ⲁ.Ⲡ.ϪⲞⲈⲒⲤ ϪⲞⲞⲨ Ⲙ̅. ⲠⲈϤ.ϢⲎⲢⲈ ⲠⲈϪⲀ.Ϥ ϪⲈ ⲘⲈϢⲀⲔ ⲤⲈ.ⲚⲀ.ϢⲒⲦⲈ (Ⲉ).ϨⲎⲦ.Ϥ Ⲙ̅.ⲠⲀ.ϢⲎⲢⲈ Ⲁ.Ⲛ.ⲞⲨⲞⲈⲒⲈ ⲈⲦ.Ⲙ̅ⲘⲀⲨ ⲈⲠⲈⲒ ⲤⲈ.ⲤⲞⲞⲨⲚ ϪⲈ Ⲛ̅ⲦⲞϤ ⲠⲈ ⲠⲈ.ⲔⲖⲎⲢⲞⲚⲞⲘⲞⲤ Ⲙ̅.Ⲡ.ⲘⲀ Ⲛ̅.ⲈⲖⲞⲞⲖⲈ Ⲁ.Ⲩ.ϬⲞⲠ.Ϥ Ⲁ.Ⲩ.ⲘⲞⲞⲨⲦ.Ϥ ⲠⲈⲦ.ⲈⲨⲘ̅.ⲘⲀⲀϪⲈ Ⲙ̅ⲘⲞ.Ϥ ⲘⲀⲢⲈ.Ϥ.ⲤⲰⲦⲘ̅

ⲠⲈ ϪⲈ Ⲓ̅Ⲥ̅ ϪⲈ ⲘⲀ.ⲦⲤⲈⲂⲞ.ⲈⲒ Ⲉ.Ⲡ.ⲰⲚⲈ ⲠⲀⲈⲒ Ⲛ̅ⲦⲀ.Ⲩ. ⲤⲦⲞ.Ϥ ⲈⲂⲞⲖ Ⲛ̅ϬⲒ ⲚⲈⲦ.ⲔⲰⲦ Ⲛ̅ⲦⲞϤ ⲠⲈ Ⲡ.ⲰⲰ ⲚⲈ Ⲛ̅.ⲔⲰϨ

ⲠⲈϪⲈ Ⲓ̅Ⲥ̅ ϪⲈ ⲠⲈⲦ.ⲤⲞⲞⲨⲚ Ⲙ̅.Ⲡ.ⲦⲎⲢ.Ϥ Ⲉ.Ϥ.Ⲣ̅.ϬⲢⲰϨ ⲞⲨⲀⲀ.Ϥ Ⲣ̅.ϬⲢⲰϨ Ⲙ̅.Ⲡ.ⲘⲀ ⲦⲎⲢ.Ϥ

ⲠⲈϪⲈ Ⲓ̅Ⲥ̅ ϪⲈ Ⲛ̅ⲦⲰⲦⲚ̅ ϨⲘ̅ ⲘⲀⲔⲀⲢⲒⲞⲤ ϨⲞⲦⲀ̅ Ⲉ.Ⲩ.ϢⲀⲚ.ⲘⲈⲤⲦⲈ.ⲦⲎⲨⲦⲚ̅ Ⲛ.ⲤⲈ.Ⲣ̅.ⲆⲒⲰⲔⲈ Ⲙ̅ ⲘⲰ.ⲦⲚ̅ ⲀⲨⲰ ⲤⲈ.ⲚⲀ.ϨⲈ ⲀⲚ Ⲉ.ⲦⲞⲠⲞⲤ ϨⲘ̅ Ⲡ.ⲘⲀ ⲈⲚⲦ.Ⲁ.Ⲩ.ⲆⲒⲰⲔⲈ Ⲙ̅ⲘⲰ.ⲦⲚ̅ ϨⲢⲀⲒ Ⲛ̅.ϨⲎⲦ.Ϥ

ⲠⲈ ϪⲈ Ⲓ̅Ⲥ̅ (ϪⲈ) ϨⲘ̅ ⲘⲀⲔⲀⲢⲒⲞⲤ ⲚⲈ ⲚⲀⲈⲒ Ⲛ̅ⲦⲀ.Ⲩ.ⲆⲒⲰⲔⲈ Ⲙ̅ⲘⲞ.ⲞⲨ ϨⲢⲀⲒ ϨⲘ̅ ⲠⲞⲨ.ϨⲎⲦ ⲚⲈⲦ.Ⲙ̅ⲘⲀⲨ ⲚⲈ.ⲚⲦⲀϨ.ⲤⲞⲨⲰⲚ Ⲡ.ⲈⲒⲰⲦ ϨⲚ̅ ⲞⲨ.ⲘⲈ

ϨⲘ̅ ⲘⲀⲔⲀⲢⲒⲞⲤ ⲚⲈⲦ.ϨⲔⲀⲈⲒⲦ ϢⲒⲚⲀ Ⲉ.Ⲩ.ⲚⲀ. ⲦⲤⲒⲞ Ⲛ̅.ⲐϨⲎ Ⲙ̅.ⲠⲈⲦ.ⲞⲨⲰϢ

ⲠⲈϪⲈ ⲒⲤ (ϪⲈ) ϨⲞ ⲦⲀⲚ Ⲉ.ⲦⲈⲦⲚ̅.ϢⲀ.ϪⲠⲈ ⲠⲎ ϨⲚ̅ ⲦⲎⲨⲦⲚ̅ ⲠⲀⲒ ⲈⲦ.ⲈⲨⲚ̅ⲦⲎ.ⲦⲚ̅.Ϥ̅ Ϥ.ⲚⲀ.ⲦⲞⲨϪⲈ.ⲦⲎⲨⲦⲚ̅ ⲈϢⲰ ⲠⲈ ⲘⲚ̅.ⲦⲎ.ⲦⲚ̅.ⲠⲎ ϨⲚ̅ [ⲦⲎⲨⲦ]Ⲛ̅ ⲠⲀⲈⲒ ⲈⲦⲈ ⲘⲚ̅.ⲦⲎ.ⲦⲚ̅.ⲠⲎ ϨⲚ̅ ⲦⲎⲚⲈ Ϥ.[ⲚⲀ.Ⲙ]ⲞⲨⲦ ⲦⲎⲚⲈ

ⲠⲈϪⲈ Ⲓ̅Ⲥ̅ ϪⲈ Ϯ.ⲚⲀ.ϢⲞⲢ[ϢⲢ̅ Ⲙ̅.ⲠⲈⲈⲒ.Ⲏ]ⲈⲒ ⲀⲨⲰ ⲘⲚ̅.ⲖⲀⲀⲨ ⲚⲀ.Ϣ ⲔⲞⲦ.Ϥ [ⲀⲚ Ⲛ̅.ⲔⲈ.ⲤⲞⲠ

ⲠⲈϪ]Ⲉ Ⲟ[Ⲩ.ⲢⲰⲘⲈ] ⲚⲀ.Ϥ ϪⲈ ϪⲞⲞ.Ⲥ Ⲛ̅.ⲚⲀ.ⲤⲚⲎⲨ ϢⲒⲚⲀ Ⲉ.Ⲩ.Ⲛ[Ⲁ.Ⲡ]ⲰϢⲈ Ⲛ̅.Ⲛ̅.ϨⲚⲀⲀⲨ Ⲙ̅.ⲠⲀ.ⲈⲒⲰⲦ ⲚⲘ̅ⲘⲀ.ⲈⲒ ⲠⲈϪⲀ.Ϥ ⲚⲀ.Ϥ ϪⲈ Ⲱ Ⲡ.ⲢⲰⲘⲈ ⲚⲒⲘ ⲠⲈ ⲚⲦⲀϨ.ⲀⲀ.Ⲧ Ⲛ̅.ⲢⲈϤ.ⲠⲰϢⲈ Ⲁ.Ϥ.ⲔⲞⲦ.Ϥ̅ Ⲁ. ⲚⲈϤ.ⲘⲀⲐⲎⲦⲎⲤ ⲠⲈϪⲀ.Ϥ ⲚⲀ.Ⲩ ϪⲈ ⲘⲎ Ⲉ.ⲈⲒ. ϢⲞⲞⲠ Ⲛ̅.ⲢⲈϤ.ⲠⲰϢⲈ

ⲠⲈϪⲈ Ⲓ̅Ⲥ̅ ϪⲈ Ⲡ.ⲰϨⲤ ⲘⲈⲚ ⲚⲀϢⲰ.Ϥ Ⲛ̅.ⲈⲢⲄⲀⲦⲎⲤ ⲆⲈ ⲤⲞⲂⲔ ⲤⲞⲠⲤ̅ ⲆⲈ Ⲙ̅.Ⲡ.ϪⲞⲈⲒⲤ ϢⲒⲚⲀ Ⲉ.Ϥ.ⲚⲀ.ⲚⲈϪ ⲈⲢⲄⲀⲦⲎⲤ ⲈⲂⲞⲖ Ⲉ.Ⲡ.ⲰϨ̅Ⲥ̅

ⲠⲈϪⲀ.Ϥ ϪⲈ Ⲡ.ϪⲞⲈⲒⲤ ⲞⲨⲚ̅ ϨⲀϨ Ⲙ̅.Ⲡ.ⲔⲰⲦⲈ Ⲛ̅.Ⲧ.ϪⲰⲦⲈ ⲘⲚ̅.ⲖⲀⲀⲨ ⲆⲈ ϨⲚ̅ Ⲧ.ϢⲰⲚⲈ

ⲠⲈϪⲈ Ⲓ̅Ⲥ̅ (ϪⲈ) ⲞⲨⲚ ϨⲀϨ ⲀϨⲈ.ⲢⲀⲦ.ⲞⲨ ϨⲒⲢⲘ̅ Ⲡ.ⲢⲞ ⲀⲖⲖⲀ Ⲙ̅.ⲘⲞⲚⲀⲬⲞⲤ ⲚⲈⲦ.ⲚⲀ.ⲂⲰⲔ ⲈϨⲞⲨⲚ Ⲉ.Ⲡ.ⲘⲀ Ⲛ̅.ϢⲈⲖⲈⲈⲦ

ⲠⲈϪⲈ ⲒⲤ ϪⲈ Ⲧ.ⲘⲚ̅Ⲧ.ⲈⲢⲞ Ⲙ̅.Ⲡ.ⲈⲒⲰⲦ Ⲉ.Ⲥ.ⲦⲚ̅ⲦⲰⲚ Ⲁ.(Ⲟ)Ⲩ.ⲢⲰⲘⲈ Ⲛ̅.ⲈϢⲰⲰⲦ ⲈⲨⲚ̅ⲦⲀ.Ϥ Ⲙ̅ⲘⲀⲨ Ⲛ̅.ⲞⲨ.ⲪⲞⲢⲦⲒ ⲞⲚ Ⲉ.Ⲁ.Ϥ.ϨⲈ Ⲁ.(Ⲟ)Ⲩ.ⲘⲀⲢⲄⲀⲢⲒⲦⲎⲤ Ⲡ.ⲈϢⲰⲦ ⲈⲦ.Ⲙ̅ⲘⲀⲨ ⲞⲨ.ⲤⲀⲂⲈ ⲠⲈ Ⲁ.Ϥ.Ϯ ⲠⲈ.ⲪⲞⲢⲦⲒⲞⲚ ⲈⲂⲞⲖ Ⲁ.Ⲩ.ⲦⲞⲞⲨ ⲚⲀ.Ϥ Ⲙ̅.ⲠⲒ.ⲘⲀⲢⲄⲀⲢⲒⲦⲎⲤ ⲞⲨⲰⲦ Ⲛ̅ⲦⲰⲦⲚ̅ ϨⲰⲦ.ⲦⲎⲨⲦⲚ̅ ϢⲒⲚⲈ Ⲛ̅ ⲤⲀ ⲠⲈϤ.ⲈϨⲞ Ⲉ.ⲘⲀ.Ϥ.ⲰϪⲚ̅ Ⲉ.Ϥ.ⲘⲎⲚ ⲈⲂⲞⲖ Ⲡ.ⲘⲀ Ⲉ.ⲘⲀ.ⲢⲈ.ϪⲞⲞⲖⲈⲤ ⲦϨⲚⲞ ⲈϨⲞⲨⲚ Ⲉ.ⲘⲀⲨ Ⲉ.ⲞⲨⲰⲘ ⲞⲨⲆⲈ ⲘⲀ.ⲢⲈ.ϤϤⲚ̅Ⲧ ⲦⲀⲔⲞ

ⲠⲈϪⲈ Ⲓ̅Ⲥ̅ ϪⲈ ⲀⲚⲞⲔ ⲠⲈ Ⲡ.ⲞⲨⲞⲈⲒⲚ ⲠⲀⲈⲒ ⲈⲦ.ϨⲒ ϪⲰ.ⲞⲨ ⲦⲎⲢ.ⲞⲨ ⲀⲚⲞⲔ ⲠⲈ Ⲡ.ⲦⲎⲢ.Ϥ Ⲛ̅ⲦⲀ. Ⲡ.ⲦⲎⲢ.Ϥ ⲈⲒ ⲈⲂⲞⲖ Ⲛ̅.ϨⲎⲦ ⲀⲨⲰ Ⲛ̅ⲦⲀ.Ⲡ.ⲦⲎⲢ.Ϥ ⲠⲰϨ ϢⲀⲢⲞ.ⲈⲒ ⲠⲰϨ Ⲛ̅Ⲛ̅.ⲞⲨ.ϢⲈ ⲀⲚⲞⲔ Ϯ.Ⲙ̅ⲘⲀⲨ ϤⲒ Ⲙ̅.Ⲡ.ⲰⲚⲈ ⲈϨⲢⲀⲒ ⲀⲨⲰ ⲦⲈⲦ.ⲚⲀ. ϨⲈ ⲈⲢⲞ.ⲈⲒ Ⲙ̅ⲘⲀⲨ

ⲠⲈϪⲈ Ⲓ̅Ⲥ̅ ϪⲈ ⲈⲦⲂⲈ ⲞⲨ Ⲁ.ⲦⲈⲦⲚ̅.ⲈⲒ ⲈⲂⲞⲖ Ⲉ.Ⲧ.ⲤⲰϢⲈ Ⲉ.ⲚⲀⲨ Ⲉ.(Ⲟ)Ⲩ.ⲔⲀϢ Ⲉ.Ϥ.ⲔⲒⲘ Ⲉ[ⲂⲞⲖ] ϨⲒⲦⲘ̅ Ⲡ.ⲦⲎⲨ ⲀⲨⲰ Ⲉ.ⲚⲀⲨ Ⲉ.(Ⲟ)Ⲩ.Ⲣ[ⲰⲘⲈ ⲞⲨ]Ⲛ̅.ϢⲦⲎⲚ Ⲉ.Ⲩ.ϬⲎⲚ ϨⲒⲰⲰ.Ⲃ ⲈⲒⲤ Ⲛ̅.ⲚⲈⲦⲚ̅].Ⲣ̅ⲢⲰⲞⲨ ⲘⲚ̅ ⲚⲈⲦⲘ̅.ⲘⲈⲄⲒ ⲤⲦⲀⲚⲞⲤ ⲚⲀⲈⲒ Ⲉ.Ⲛ.[ϢⲦⲎ]Ⲛ Ⲉ[Ⲧ. ϬⲎⲚ ϨⲒⲰ.ⲞⲨ ⲀⲨⲰ ⲤⲈ.[ⲚⲀ].Ϣ.ⲤⲞⲨⲚ Ⲧ.ⲘⲈ ⲀⲚ

ⲠⲈϪⲈ ⲞⲨ.ⲤϨⲒⲘ[Ⲉ] ⲚⲀ.Ϥ ϨⲘ̅ Ⲡ.ⲘⲎϢⲈ ϪⲈ ⲚⲈⲈⲒⲀⲦ.[Ⲥ Ⲛ.]Ⲑ.ϨⲎ Ⲛ̅ ⲦⲀϨ.ϤⲒ ϨⲀⲢⲞ.Ⲕ ⲀⲨⲰ Ⲛ̅.ⲔⲒ[Ⲃ]Ⲉ Ⲉ.ⲚⲦⲀϨ. ⲤⲀⲚⲞⲨϢ.Ⲕ ⲠⲈϪⲈ.Ϥ ⲚⲀ.[Ⲥ] ϪⲈ ⲚⲈ ⲈⲒⲀⲦ.ⲞⲨ Ⲛ̅.ⲚⲈ.ⲚⲦⲀϨ.ⲤⲰⲦⲘ̅ Ⲁ. Ⲡ.ⲖⲞⲄⲞⲤ Ⲙ̅.Ⲡ.ⲈⲒⲰⲦ Ⲁ.Ⲩ.ⲀⲢⲈϨ ⲈⲢⲞ.Ϥ ϨⲚ̅ ⲞⲨ.ⲘⲈ ⲞⲨⲚ̅.ϨⲚ̅.ϨⲞⲞⲨ ⲄⲀⲢ ⲚⲀ.ϢⲰⲠⲈ Ⲛ.ⲦⲈⲦⲚ̅.ϪⲞⲞ.Ⲥ ϪⲈ ⲚⲈⲈⲒⲀⲦ.Ⲥ̅ Ⲛ̅.Ⲑ.ϨⲎ ⲦⲀ ⲈⲒ ⲈⲦⲈ ⲘⲠ(Ⲉ).Ⲥ.Ⲱ ⲀⲨⲰ Ⲛ̅.ⲔⲒⲂⲈ ⲚⲀⲈⲒ Ⲉ.ⲘⲠ.ⲞⲨ. Ϯ ⲈⲢⲰⲦⲈ

ⲠⲈϪⲈ Ⲓ̅Ⲥ̅ ϪⲈ ⲠⲈ.ⲚⲦⲀϨ.ⲤⲞⲨⲰⲚ Ⲡ.ⲔⲞⲤⲘⲞⲤ Ⲁ.Ϥ.ϨⲈ Ⲉ.Ⲡ.ⲤⲰⲘⲀ ⲠⲈ.ⲚⲦⲀϨ.ϨⲈ ⲆⲈ Ⲉ.Ⲡ.ⲤⲰⲘⲀ Ⲡ.ⲔⲞⲤⲘⲞⲤ Ⲙ̅ⲠϢⲀ Ⲙ̅ⲘⲞ.Ϥ ⲀⲚ

ⲠⲈϪⲈ Ⲓ̅Ⲥ̅ ϪⲈ ⲠⲈ.ⲚⲦⲀϨ.Ⲣ̅.ⲢⲘ̅.ⲘⲀⲞ ⲘⲀ ⲢⲈ.Ϥ.Ⲣ̅.ⲢⲢⲞ ⲀⲨⲰ ⲠⲈⲦ.ⲈⲨⲚ̅.ⲦⲀ.Ϥ Ⲛ̅.ⲞⲨ.ⲆⲨⲚⲀ ⲘⲒⲤ ⲘⲀⲢⲈ.Ϥ.ⲀⲢⲚⲀ

ⲠⲈϪⲈ Ⲓ̅Ⲥ̅ ϪⲈ ⲠⲈⲦ.ϨⲎⲚ ⲈⲢⲞ.ⲈⲒ Ⲉ.Ϥ.ϨⲎⲚ Ⲉ.Ⲧ.ⲤⲀⲦⲈ ⲀⲨⲰ ⲠⲈⲦ.ⲞⲨⲎⲨ Ⲙ̅ⲘⲞ.ⲈⲒ Ϥ.ⲞⲨⲎⲨ Ⲛ̅.Ⲧ.ⲘⲚ̅Ⲧ.ⲈⲢⲞ

ⲠⲈϪⲈ Ⲓ̅Ⲥ̅ ϪⲈ Ⲛ.ϨⲒⲔⲰⲚ ⲤⲈ.ⲞⲨⲞⲚϨ ⲈⲂⲞⲖ Ⲙ̅.Ⲡ.ⲢⲰ ⲘⲈ ⲀⲨⲰ Ⲡ.ⲞⲨⲞⲈⲒⲚ ⲈⲦ.Ⲛ̅.ϨⲎⲦ.ⲞⲨ Ϥ.ϨⲎⲠ ϨⲚ̅ Ⲑ.ⲒⲔⲰⲚ Ⲙ̅.Ⲡ.ⲞⲨⲞⲈⲒⲚ Ⲙ̅.Ⲡ.ⲈⲒⲰⲦ Ϥ.ⲚⲀ. ϬⲰⲖⲠ ⲈⲂⲞⲖ ⲀⲨⲰ ⲦⲈϤ.ϨⲒⲔⲰⲚ ϨⲎⲠ ⲈⲂⲞⲖ ϨⲒⲦⲚ̅ ⲠⲈϤ.ⲞⲨⲞⲈⲒⲚ

ⲠⲈϪⲈ Ⲓ̅Ⲥ̅ (ϪⲈ) Ⲛ̅.ϨⲞ ⲞⲨ Ⲉ.ⲦⲈⲦⲚ̅.ⲚⲀⲨ Ⲉ.ⲠⲈⲦⲚ̅.ⲈⲒⲚⲈ ϢⲀⲢⲈ.ⲦⲚ̅. ⲢⲀϢⲈ ϨⲞⲦⲀⲚ ⲆⲈ Ⲉ.ⲦⲈⲦⲚ̅.ϢⲀⲚ.ⲚⲀⲨ Ⲁ.ⲚⲈⲦⲚ̅.ϨⲒⲔⲰⲚ Ⲛ̅ⲦⲀϨ.ϢⲰⲠⲈ ϨⲒ ⲦⲈⲦⲚ.Ⲉ ϨⲎ ⲞⲨⲦⲈ ⲘⲀ.Ⲩ.ⲘⲞⲨ ⲞⲨⲦⲈ ⲘⲀ.Ⲩ.ⲞⲨⲰⲚϨ ⲈⲂⲞⲖ ⲦⲈⲦ.ⲚⲀ.ϤⲒ ϨⲀ ⲞⲨⲎⲢ

ⲠⲈϪⲈ Ⲓ̅Ⲥ̅ ϪⲈ Ⲛ̅ⲦⲀ.ⲀⲆⲀⲘ ϢⲰⲠⲈ ⲈⲂⲞⲖ ϨⲚ̅ ⲞⲨ.ⲚⲞϬ Ⲛ̅.ⲆⲨⲚⲀⲘⲒⲤ ⲘⲚ̅ ⲞⲨ.ⲚⲞϬ Ⲙ̅.ⲘⲚ̅Ⲧ.ⲢⲘ̅.ⲘⲀ Ⲟ ⲀⲨⲰ Ⲙ̅ⲠⲈ.Ϥ.ϢⲰⲠⲈ Ⲉ.[Ϥ.Ⲙ̅Ⲡ]ϢⲀ Ⲙ̅ⲘⲰ. ⲦⲚ̅ ⲚⲈ.Ⲩ.ⲀⲜⲒⲞⲤ ⲄⲀⲢ ⲠⲈ [ⲚⲈ.Ϥ.ⲚⲀ.ϪⲒ.Ϯ]Ⲡ[Ⲉ ⲀⲚ Ⲙ.Ⲡ.ⲘⲞⲨ

ⲠⲈϪⲈ Ⲓ̅Ⲥ̅ ϪⲈ [Ⲛ̅.ⲂⲀϢⲞⲢ ⲞⲨ Ⲛ̅ⲦⲀ].Ⲩ Ⲛ[ⲈⲨ.ⲂⲎⲂ] ⲀⲨⲰ Ⲛ̅.ϨⲀⲖⲀⲦⲈ ⲞⲨⲚ̅ⲦⲀ.Ⲩ Ⲙ̅ⲘⲀⲨ Ⲙ̅.[ⲚⲈ]Ⲩ.ⲘⲀϨ Ⲡ.ϢⲎⲢⲈ ⲆⲈ Ⲙ̅.Ⲡ.ⲢⲰⲘⲈ ⲘⲚ̅ⲦⲀ.Ϥ ⲚⲚ.[ⲞⲨ].ⲘⲀ Ⲉ.ⲢⲒⲔⲈ Ⲛ̅.ⲦⲈϤ.ⲀⲠⲈ Ⲛ̅.Ϥ. Ⲙ̅ⲦⲞⲚ Ⲙ̅[ⲘⲞ].Ϥ

ⲠⲈϪⲀ.Ϥ Ⲛ̅ϬⲒ Ⲓ̅Ⲥ̅ ϪⲈ ⲞⲨ.ⲦⲀⲖⲀⲒ ⲠⲰⲢⲞⲚ Ⲡ[Ⲉ] Ⲡ.ⲤⲰⲘⲀ ⲈⲦ.ⲀϢⲈ Ⲛ̅.ⲞⲨ.ⲤⲰⲘⲀ ⲀⲨⲰ ⲞⲨ.Ⲧ[Ⲁ]ⲖⲀⲒⲠⲰⲢⲞⲤ ⲦⲈ Ⲧ.ⲮⲨⲬⲎ ⲈⲦ.ⲀϢⲈ Ⲛ̅.ⲚⲀⲈⲒ Ⲙ̅.Ⲡ(Ⲉ).ⲤⲚⲀⲨ

ⲠⲈϪⲈ Ⲓ̅Ⲥ̅ ϪⲈ Ⲛ̅.ⲀⲄⲄⲈⲖⲞⲤ ⲚⲎⲨ ϢⲀⲢⲰ.ⲦⲚ̅ ⲘⲚ̅ Ⲛ̅.ⲠⲢⲞⲪⲎⲦⲎⲤ ⲀⲨⲰ ⲤⲈ. ⲚⲀ.Ϯ ⲚⲎ.ⲦⲚ̅ Ⲛ̅.ⲚⲈⲦ.ⲈⲨⲚ̅.ⲦⲎⲦⲚ̅.ⲤⲈ ⲀⲨⲰ Ⲛ̅.ⲦⲰⲦⲚ̅ ϨⲰⲦ.ⲦⲎⲨⲦⲚ̅ ⲚⲈⲦ.Ⲛ̅.ⲦⲞⲦ.ⲦⲎⲚⲈ ⲦⲀⲀ.Ⲩ ⲚⲀ.Ⲩ Ⲛ̅.ⲦⲈⲦⲚ̅.ϪⲞⲞ.Ⲥ ⲚⲎ.ⲦⲚ̅ ϪⲈ ⲀϢ Ⲛ̅. ϨⲞⲞⲨ ⲠⲈⲦ.ⲞⲨ.Ⲛ̅ⲚⲎⲨ Ⲛ̅ⲤⲈ.ϪⲒ ⲠⲈⲦⲈ.ⲠⲰⲞⲨ

ⲠⲈϪⲈ Ⲓ̅Ⲥ̅ ϪⲈ ⲈⲦⲂⲈ ⲞⲨ ⲦⲈⲦⲚ̅.ⲈⲒⲰⲈ Ⲙ̅.Ⲡ.ⲤⲀ Ⲛ. ⲂⲞⲖ Ⲙ̅.Ⲡ.ⲠⲞⲦⲎⲢⲒⲞⲚ ⲦⲈⲦⲚ̅.Ⲣ̅.ⲚⲞⲈⲒ ⲀⲚ ϪⲈ ⲠⲈ.ⲚⲦⲀϨ.ⲦⲀⲘⲒⲞ Ⲙ̅.Ⲡ.ⲤⲀ Ⲛ̅.ϨⲞⲨⲚ Ⲛ̅ⲦⲞϤ ⲞⲚ ⲠⲈ.ⲚⲦⲀϨ.ⲦⲀⲘⲒⲞ Ⲙ̅.Ⲡ.ⲤⲀ Ⲛ.ⲂⲞⲖ

ⲠⲈϪⲈ Ⲓ̅Ⲏ̅Ⲥ̅ ϪⲈ ⲀⲘⲎⲈⲒ.ⲦⲚ̅ ϢⲀⲢⲞ.ⲈⲒ ϪⲈ ⲞⲨ.ⲬⲢⲎⲤⲦⲞⲤ ⲠⲈ ⲠⲀ.ⲚⲀϨⲂ ⲀⲨⲰ ⲦⲀ.ⲘⲚ̅Ⲧ.ϪⲞⲈⲒⲤ ⲞⲨ.ⲢⲘ̅. ⲢⲀϢ ⲦⲈ ⲀⲨⲰ ⲦⲈⲦ.ⲚⲀ.ϨⲈ Ⲁ.(Ⲟ)Ⲩ.ⲀⲚⲀⲨⲠⲀⲤⲒⲤ ⲚⲎ. ⲦⲚ̅

ⲠⲈϪⲀ.Ⲩ ⲚⲀ.Ϥ ϪⲈ ϪⲞⲞ.Ⲥ ⲈⲢⲞ.Ⲛ ϪⲈ Ⲛ̅ⲦⲔ ⲚⲒⲘ ϢⲒⲚⲀ Ⲉ.(Ⲛ̅.)ⲚⲀ.Ⲣ̅.ⲠⲒⲤⲦⲈⲨⲈ ⲈⲢⲞ.Ⲕ ⲠⲈ ϪⲀ.Ϥ ⲚⲀ.Ⲩ ϪⲈ ⲦⲈⲦⲚ̅.Ⲣ̅.ⲠⲒⲢⲀⲌⲈ Ⲙ̅.Ⲡ.ϨⲞ Ⲛ̅.Ⲧ.ⲠⲈ ⲘⲚ̅ Ⲡ.ⲔⲀϨ ⲀⲨⲰ ⲠⲈⲦ.Ⲛ̅.ⲠⲈⲦⲚ̅.Ⲙ̅ⲦⲞ ⲈⲂⲞⲖ Ⲙ̅ⲠⲈ.ⲦⲚ̅.ⲤⲞⲨⲰⲚ.Ϥ ⲀⲨⲰ ⲠⲈⲈⲒ.ⲔⲀⲒⲢⲞⲤ ⲦⲈ ⲦⲚ̅.ⲤⲞⲞⲨⲚ ⲀⲚ Ⲛ̅.Ⲣ̅.ⲠⲒⲢⲀⲌⲈ Ⲙ̅ⲘⲞ.Ϥ

ⲠⲈϪⲈ Ⲓ̅Ⲥ̅ ϪⲈ ϢⲒⲚⲈ ⲀⲨⲰ ⲦⲈⲦ.ⲚⲀ.ϬⲒⲚⲈ ⲀⲖⲖⲀ ⲚⲈ Ⲧ.Ⲁ.ⲦⲈⲦⲚ̅.ϪⲚⲞⲨ.ⲈⲒ ⲈⲢⲞ.ⲞⲨ Ⲛ̅.ⲚⲒ.ϨⲞⲞⲨ Ⲉ.Ⲙ̅Ⲡ.Ⲓ. ϪⲞ.ⲞⲨ ⲚⲎ.ⲦⲚ̅ Ⲙ̅.ⲪⲞⲞⲨ ⲈⲦ.Ⲙ̅ⲘⲀⲨ ⲦⲈⲚⲞⲨ Ⲉ.ϨⲚⲀ.Ⲓ Ⲉ.ϪⲞ.ⲞⲨ ⲀⲨⲰ ⲦⲈⲦⲚ̅.ϢⲒⲚⲈ ⲀⲚ Ⲛ̅ⲤⲰ. ⲞⲨ

Ⲙ̅Ⲡ.Ⲣ̅.Ϯ ⲠⲈⲦ.ⲞⲨⲀⲀⲂ Ⲛ̅.Ⲛ.ⲞⲨϨⲞⲞⲢ ϪⲈⲔⲀⲤ (Ⲛ̅)Ⲛ.ⲞⲨ.ⲚⲞϪ.ⲞⲨ Ⲉ.Ⲧ.ⲔⲞⲠⲢⲒⲀ Ⲙ̅Ⲡ.Ⲣ̅.ⲚⲞⲨϪⲈ Ⲛ̅.Ⲙ. ⲘⲀⲢⲄⲀⲢⲒⲦ[ⲎⲤ Ⲛ̅.]Ⲛ.ⲈϢⲀⲨ ϢⲒⲚⲀ ϪⲈ (Ⲛ̅)Ⲛ.ⲞⲨ.ⲀⲀ.Ϥ [Ⲣ̅.]ⲖⲀ[ⲔⲘⲈ]

ⲠⲈϪⲈ] Ⲓ̅Ⲥ̅ (ϪⲈ) ⲠⲈⲦ.ϨⲒⲚⲈ Ϥ.ⲚⲀ.ϬⲒⲚⲈ ⲀⲨⲰ ⲠⲈⲦ.ⲦⲰϨⲘ Ⲉ]ϨⲞⲨⲚ ⲤⲈ.ⲚⲀ.ⲞⲨⲰⲚ ⲚⲀ.Ϥ

ⲠⲈϪⲈ Ⲓ̅Ⲥ̅ ϪⲈ] ⲈϢⲰⲠⲈ ⲞⲨⲚ̅.ⲦⲎⲦⲚ̅.ϨⲞⲘⲦ Ⲙ̅Ⲡ.Ⲣ̅.Ϯ Ⲉ.Ⲧ.ⲘⲎⲤⲈ ⲀⲖⲖⲀ Ϯ [Ⲙ̅ⲘⲞ.ⲞⲨ Ⲙ.]ⲠⲈ.[ⲦⲈ Ⲧ.ⲚⲀ.ϪⲒⲦ.ⲞⲨ ⲀⲚ Ⲛ̅.ⲦⲞⲞⲦ.Ϥ

ⲠⲈϪⲈ] Ⲓ̅Ⲥ̅ ϪⲈ Ⲧ.ⲘⲚ̅ Ⲧ.ⲈⲢⲞ Ⲙ̅.Ⲡ.ⲈⲒⲰⲦ Ⲉ.Ⲥ.ⲦⲚ̅ⲦⲰ[Ⲛ Ⲉ.ⲞⲨ].ⲤϨⲒⲘⲈ Ⲁ.Ⲥ.ϪⲒ Ⲛ̅.ⲞⲨ.ⲔⲞⲨⲈⲒ Ⲛ̅.ⲤⲀⲈⲒⲢ [Ⲁ.Ⲥ.ϨⲞ]Ⲡ.Ϥ ϨⲚ̅ ⲞⲨ.ϢⲰⲦⲈ Ⲁ.Ⲥ.ⲀⲀ.Ϥ Ⲛ̅.ϨⲚ̅.ⲚⲞ[Ϭ Ⲛ̅.ⲞⲈⲒⲔ ⲠⲈⲦ.ⲈⲨⲘ̅.ⲘⲀⲀϪⲈ Ⲙ̅ⲘⲞ.Ϥ ⲘⲀ[ⲢⲈ.Ϥ.]ⲤⲰⲦⲘ̅

ⲠⲈϪⲈ Ⲓ̅Ⲥ̅ ϪⲈ Ⲧ.ⲘⲚ̅Ⲧ.ⲈⲢⲞ Ⲙ̅.Ⲡ.[ⲈⲒⲰⲦ Ⲉ.Ⲥ.]ⲦⲚ̅ ⲦⲰⲚ Ⲁ.(Ⲟ)Ⲩ.ⲤϨⲒⲘⲈ Ⲉ.Ⲥ.ϤⲒ ϨⲀ ⲞⲨ.ϬⲖ̅[ⲘⲈⲈⲒ] Ⲉ.Ϥ. ⲘⲈϨ Ⲛ̅.ⲚⲞⲈⲒⲦ Ⲉ.Ⲥ.ⲘⲞⲞϢⲈ Ϩ[Ⲓ ⲞⲨ].ϨⲒⲎ Ⲉ.Ⲥ.ⲞⲨⲎⲞⲨ Ⲁ.Ⲡ.ⲘⲀⲀϪⲈ Ⲙ̅.Ⲡ.ϬⲖ̅Ⲙ[ⲈⲈⲒ] ⲞⲨ ⲰϬⲠ Ⲁ.Ⲡ.ⲚⲞⲈⲒⲦ ϢⲞⲨⲞ Ⲛ̅ⲤⲰ.[Ⲥ Ϩ]Ⲓ ⲦⲈ.ϨⲒ Ⲏ ⲚⲈ.Ⲥ.ⲤⲞⲞⲨⲚ ⲀⲚ ⲠⲈ ⲚⲈ.Ⲙ̅ⲠⲈ.Ⲥ.ⲈⲒⲘⲈ Ⲉ.ϨⲒⲤⲈ Ⲛ̅ⲦⲀ.Ⲣ̅Ⲉ.Ⲥ.ⲠⲰϨ ⲈϨⲞⲨⲚ Ⲉ.ⲠⲈⲤ.ⲎⲈⲒ Ⲁ.Ⲥ.ⲔⲀ Ⲡ.ϬⲖ̅ⲘⲈⲈⲒ Ⲁ.Ⲡ.ⲈⲤⲎⲦ Ⲁ.Ⲥ.ϨⲈ ⲈⲢⲞ.Ϥ Ⲉ.Ϥ. ϢⲞⲨⲈⲒⲦ

ⲠⲈϪⲈ Ⲓ̅Ⲥ̅ (ϪⲈ) Ⲧ.ⲘⲚ̅Ⲧ.ⲈⲢⲞ Ⲙ̅.Ⲡ.ⲈⲒⲰⲦ Ⲉ.Ⲥ.ⲦⲚ̅ⲦⲰⲚ Ⲉ.(Ⲟ)Ⲩ.ⲢⲰⲘⲈ Ⲉ.Ϥ.ⲞⲨⲰϢ Ⲉ.ⲘⲞⲨⲦ ⲞⲨ.ⲢⲰⲘⲈ Ⲙ.ⲘⲈⲄⲒⲤⲦⲀⲚⲞⲤ Ⲁ.Ϥ.ϢⲰⲖⲘ Ⲛ̅. Ⲧ.ⲤⲎϤⲈ ϨⲘ̅ ⲠⲈϤ.ⲎⲈⲒ Ⲁ.Ϥ.ϪⲞⲦ.Ⲥ̅ Ⲛ̅.Ⲧ.ϪⲞ ϪⲈ ⲔⲀⲀⲤ Ⲉ.Ϥ.ⲚⲀ.ⲈⲒⲘⲈ ϪⲈ ⲦⲈϤ.ϬⲒϪ ⲚⲀ.ⲦⲰⲔ ⲈϨⲞⲨⲚ ⲦⲞⲦⲈ Ⲁ.Ϥ.ϨⲰⲦⲂ̅ Ⲙ̅.Ⲡ.ⲘⲈⲄⲒⲤⲦⲀⲚⲞⲤ

ⲠⲈϪⲈ Ⲙ̅.ⲘⲀⲐⲎⲦⲎⲤ ⲚⲀ.Ϥ ϪⲈ ⲚⲈⲔ.ⲤⲚⲎⲨ ⲘⲚ̅ ⲦⲈⲔ.ⲘⲀⲀⲨ ⲤⲈ.ⲀϨⲈ.ⲢⲀⲦ.ⲞⲨ ϨⲒ Ⲡ.ⲤⲀ Ⲛ. ⲂⲞⲖ ⲠⲈϪⲀ.Ϥ ⲚⲀ.Ⲩ ϪⲈ ⲚⲈⲦ.Ⲛ̅.ⲚⲈⲈⲒ.ⲘⲀ ⲈϮ.ⲢⲈ Ⲙ̅.Ⲡ.ⲞⲨⲰϢ Ⲙ̅.ⲠⲀ.ⲈⲒⲰⲦ ⲚⲀⲈⲒ ⲚⲈ ⲚⲀ.ⲤⲚⲎⲨ ⲘⲚ̅ ⲦⲀ.ⲘⲀⲀⲨ Ⲛ̅ⲦⲞ.ⲞⲨ ⲠⲈ ⲈⲦ.ⲚⲀ. ⲂⲰⲔ ⲈϨⲞⲨⲚ Ⲉ.Ⲧ.ⲘⲚ̅Ⲧ.ⲈⲢⲞ Ⲙ̅.ⲠⲀ.ⲈⲒⲰⲦ

Ⲁ.Ⲩ.ⲦⲤⲈⲂⲈ Ⲓ̅Ⲥ̅ Ⲁ.(Ⲟ)Ⲩ.ⲚⲞⲨⲂ ⲀⲨⲰ ⲠⲈϪⲀ.Ⲩ ⲚⲀ.Ϥ ϪⲈ ⲚⲈⲦ.ⲎⲠ Ⲁ.ⲔⲀⲒⲤⲀⲢ ⲤⲈ.ϢⲒⲦⲈ Ⲙ̅ⲘⲞ.Ⲛ Ⲛ̅. Ⲛ̅.ϢⲰⲘ ⲠⲈϪⲀ.Ϥ ⲚⲀ.Ⲩ ϪⲈ Ϯ ⲚⲀ.ⲔⲀⲒⲤⲀⲢ Ⲛ̅.ⲔⲀⲒⲤⲀⲢ Ϯ ⲚⲀ.Ⲡ.ⲚⲞⲨⲦⲈ Ⲙ̅.Ⲡ.ⲚⲞⲨⲦⲈ ⲀⲨⲰ ⲠⲈⲦⲈ.ⲠⲰ.ⲈⲒ ⲠⲈ ⲘⲀ.ⲦⲚ̅.ⲚⲀ.ⲈⲒ.Ϥ

ⲠⲈⲦⲀ.ⲘⲈⲤⲦⲈ ⲠⲈϤ.ⲈⲒ[ⲰⲦ Ⲁ]Ⲛ ⲘⲚ̅ ⲦⲈϤ. ⲘⲀⲀⲨ Ⲛ̅.ⲦⲀ.ϨⲈ Ϥ.ⲚⲀ.Ϣ.Ⲣ̅.Ⲙ[ⲀⲐⲎⲦⲎ]Ⲥ ⲚⲀ.ⲈⲒ Ⲁ̅ ⲀⲨⲰ ⲠⲈⲦⲀ.Ⲙ̅ⲢⲢⲈ ⲠⲈ[Ϥ.ⲈⲒⲰⲦ ⲀⲚ Ⲙ]Ⲛ̅ ⲦⲈϤ. ⲘⲀⲀⲨ Ⲛ̅.ⲦⲀ.ϨⲈ Ϥ.ⲚⲀ.Ϣ.Ⲣ̅.Ⲙ[ⲀⲐⲎⲦⲎⲤ ⲚⲀ. ⲈⲒ ⲀⲚ ⲦⲀ.ⲘⲀⲀⲨ ⲄⲀⲢ Ⲛ̅ⲦⲀ.[Ⲥ.ⲘⲒⲤⲈ ⲠⲀ.ⲤⲰⲘⲀ ⲈⲂ]ⲞⲖ [ⲦⲀ.ⲘⲀⲀⲨ] ⲆⲈ Ⲙ̅.ⲘⲈ Ⲁ.Ⲥ.Ϯ ⲚⲀ.ⲈⲒ Ⲙ̅.Ⲡ.ⲰⲚϨ

ⲠⲈϪⲈ Ⲓ̅Ⲥ̅ [ϪⲈ Ⲟ]ⲨⲈⲒ ⲚⲀ.Ⲩ Ⲙ̅.ⲪⲀⲢⲒⲤⲀⲒⲞⲤ ϪⲈ Ⲉ.Ⲩ.ⲈⲒⲚⲈ [Ⲛ̅.]ⲞⲨ.ⲞⲨϨⲞⲢ Ⲉ.Ϥ.Ⲛ̅ⲔⲞⲦⲔ ϨⲒϪⲚ̅ Ⲡ.ⲞⲨ ⲞⲚⲈϤ Ⲛ̅.[ϨⲈⲚ.]ⲈϨⲞⲞⲨ ϪⲈ ⲞⲨⲦⲈ Ϥ.ⲞⲨⲰⲘ ⲀⲚ ⲞⲨⲦⲈ Ϥ.Ⲕ[Ⲱ Ⲁ]Ⲛ Ⲛ̅.Ⲛ.ⲈϨⲞⲞⲨ Ⲉ.ⲞⲨⲰⲘ

ⲠⲈϪⲈ Ⲓ̅Ⲥ̅ ϪⲈ ⲞⲨ.Ⲙ[ⲀⲔⲀ]ⲢⲒⲞⲤ ⲠⲈ Ⲡ.ⲢⲰⲘⲈ ⲠⲀⲈⲒ ⲈⲦ.ⲤⲞⲞⲨ̅ ϪⲈ Ϩ[Ⲛ̅ ⲀϢ] Ⲙ̅.ⲘⲈⲢⲞⲤ Ⲉ.Ⲛ.ⲖⲎⲤⲦⲎⲤ ⲚⲎⲨ ⲈϨⲞⲨ̅ ϢⲒⲚ[Ⲁ Ⲉ.Ϥ.Ⲛ]Ⲁ.ⲦⲰⲞⲨⲚ Ⲛ̅.Ϥ.ⲤⲰⲞⲨϨ Ⲛ̅.ⲦⲈϤ. ⲘⲚ̅Ⲧ.[ⲚⲔⲀ] ⲀⲨⲰ Ⲛ̅.Ϥ.ⲘⲞⲨⲢ Ⲙ̅ⲘⲞ.Ϥ ⲈϪⲚ̅ ⲦⲈϤ. ϮⲠⲈ [ϨⲀ] Ⲧ.ⲈϨⲎ Ⲉ.ⲘⲠⲀⲦ.ⲞⲨ.ⲈⲒ ⲈϨⲞⲨⲚ

ⲠⲈ ϪⲀ.Ⲩ [ⲚⲀ.Ϥ] ϪⲈ ⲀⲘⲞⲨ Ⲛ̅.ⲦⲚ̅.ϢⲖⲎⲖ Ⲙ̅.Ⲡ.ⲞⲞⲨ ⲀⲨⲰ Ⲛ̅.ⲦⲚ̅.Ⲣ̅.ⲚⲎⲤⲦⲈⲨⲈ ⲠⲈϪⲈ Ⲓ̅Ⲥ̅ ϪⲈ ⲞⲨ ⲄⲀⲢ ⲠⲈ Ⲡ.ⲚⲞⲂⲈ Ⲛ̅ⲦⲀ.ⲈⲒ.ⲀⲀ.Ϥ Ⲏ Ⲛ̅ⲦⲀ.Ⲩ.ϪⲢⲞ ⲈⲢⲞ.ⲈⲒ ϨⲚ̅ ⲞⲨ ⲀⲖⲖⲀ ϨⲞⲦⲀⲚ ⲈⲢϢⲀⲚ.Ⲡ.ⲚⲨⲘⲪⲒⲞⲤ ⲈⲒ ⲈⲂⲞⲖ ϨⲘ̅ Ⲡ.ⲚⲨⲘⲪⲰⲚ ⲦⲞⲦⲈ ⲘⲀⲢ.ⲞⲨ.ⲚⲎ ⲤⲦⲈⲨⲈ ⲀⲨⲰ ⲘⲀⲢ.ⲞⲨ.ϢⲖⲎⲖ

ⲠⲈϪⲈ Ⲓ̅Ⲥ̅ ϪⲈ ⲠⲈ Ⲧ.ⲚⲀ.ⲤⲞⲨⲰⲚ Ⲡ.ⲈⲒⲰⲦ ⲘⲚ̅ Ⲧ.ⲘⲀⲀⲨ ⲤⲈ.ⲚⲀ.ⲘⲞⲨ ⲦⲈ ⲈⲢⲞ.Ϥ ϪⲈ Ⲡ.ϢⲎⲢⲈ Ⲙ̅.(ⲞⲨ).ⲠⲞⲢⲚⲎ

ⲠⲈϪⲈ Ⲓ̅Ⲥ̅ ϪⲈ ϨⲞⲦⲀⲚ Ⲉ.ⲦⲈⲦⲚ̅.ϢⲀ.Ⲣ̅.Ⲡ(Ⲉ).ⲤⲚⲀⲨ ⲞⲨⲀ ⲦⲈⲦ.ⲚⲀ.ϢⲰ ⲠⲈ Ⲛ̅.ϢⲎⲢⲈ Ⲙ̅.Ⲡ.ⲢⲰⲘⲈ ⲀⲨⲰ Ⲉ.ⲦⲈⲦⲚ̅.ϢⲀⲚ. ϪⲞⲞ.Ⲥ ϪⲈ Ⲡ.ⲦⲞⲞⲨ ⲠⲰⲰⲚⲈ ⲈⲂⲞⲖ Ϥ.ⲚⲀ. ⲠⲰⲰⲚⲈ

ⲠⲈϪⲈ Ⲓ̅Ⲥ̅ ϪⲈ Ⲧ.ⲘⲚ̅Ⲧ.ⲈⲢⲞ Ⲉ.Ⲥ.ⲦⲚⲦⲰ̅ Ⲉ.(Ⲟ)Ⲩ.ⲢⲰⲘⲈ Ⲛ̅.ϢⲰⲤ Ⲉ.ⲨⲚ̅ⲦⲀ.Ϥ Ⲙ̅ⲘⲀⲨ Ⲛ̅.ϢⲈ Ⲛ̅. ⲈⲤⲞⲞⲨ Ⲁ.ⲞⲨⲀ Ⲛ̅.ϨⲎⲦ.ⲞⲨ ⲤⲰⲢⲘ Ⲉ.Ⲡ.ⲚⲞϬ ⲠⲈ Ⲁ.Ϥ.ⲔⲰ Ⲙ̅.ⲠⲤⲦⲈ.ⲮⲒⲦ Ⲁ.Ϥ.ϢⲒⲚⲈ Ⲛ̅ⲤⲀ ⲠⲒ.ⲞⲨⲀ ϢⲀⲚⲦⲈ.Ϥ.ϨⲈ ⲈⲢⲞ.Ϥ Ⲛ̅ⲦⲀ.ⲢⲈ.Ϥ.ϨⲒⲤⲈ ⲠⲈϪⲀ.Ϥ Ⲙ̅.Ⲡ.ⲈⲤⲞⲞⲨ ϪⲈ Ϯ.ⲞⲨⲞϢ.Ⲕ ⲠⲀⲢⲀ ⲠⲤⲦⲈ.ⲮⲒⲦ

ⲠⲈϪⲈ Ⲓ̅Ⲥ̅ ϪⲈ ⲠⲈⲦⲀ.ⲤⲰ ⲈⲂⲞⲖ ϨⲚ̅ ⲦⲀ.ⲦⲀⲠⲢⲞ Ϥ.ⲚⲀ.ϢⲰⲠⲈ Ⲛ̅.ⲦⲀ.ϨⲈ ⲀⲚⲞⲔ ϨⲰ Ϯ.ⲚⲀ.ϢⲰⲠⲈ Ⲉ.ⲚⲦⲞϤ ⲠⲈ ⲀⲨⲰ ⲚⲈⲐ.ⲎⲠ ⲚⲀ.ⲞⲨⲰⲚϨ ⲈⲢⲞ.Ϥ

ⲠⲈϪⲈ Ⲓ̅Ⲥ̅ ϪⲈ Ⲧ.ⲘⲚ̅Ⲧ.ⲈⲢⲞ Ⲉ.Ⲥ.ⲦⲚ̅ⲦⲰⲚ Ⲉ.(Ⲟ)Ⲩ.ⲢⲰ ⲘⲈ Ⲉ.ⲨⲚ̅ⲦⲀ.Ϥ [Ⲙ̅Ⲙ]ⲀⲨ ϨⲚ̅ ⲦⲈϤ.ⲤⲰϢⲈ Ⲛ̅Ⲛ̅.ⲞⲨ. ⲈϨⲞ Ⲉ.Ϥ.Ϩ[ⲎⲠ Ⲉ.Ϥ.]Ⲟ Ⲛ̅.ⲀⲦ.ⲤⲞⲞⲨⲚ ⲈⲢⲞ.Ϥ ⲀⲨ Ⲱ Ⲙ̅.[ⲘⲚ̅Ⲛ̅ⲤⲀ] Ⲧ.ⲢⲈϤ.ⲘⲞⲨ Ⲁ.Ϥ.ⲔⲀⲀ.Ϥ Ⲙ̅.ⲠⲈϤ. ϢⲎⲢⲈ ⲚⲈ(ⲢⲈ).Ⲡ].ϢⲎⲢⲈ ⲤⲞⲞⲨⲚ ⲀⲚ Ⲁ.Ϥ.ϤⲒ Ⲧ.ⲤⲰϢⲈ ⲈⲦ.Ⲙ̅ⲘⲀⲨ Ⲁ.Ϥ.ⲦⲀⲀ.[Ϥ ⲈⲂⲞⲖ] ⲀⲨⲰ ⲠⲈ.Ⲛ̅ ⲦⲀϨ.ⲦⲞⲞⲨ.Ⲥ Ⲁ.Ϥ.ⲈⲒ Ⲉ.Ϥ.ⲤⲔⲀⲒ Ⲁ.[Ϥ.ϨⲈ] Ⲁ.Ⲡ.ⲈϨⲞ Ⲁ.Ϥ. ⲀⲢⲬⲈⲒ Ⲛ̅.Ϯ ϨⲞⲘⲦ Ⲉ.Ⲧ.ⲘⲎⲤⲈ Ⲛ̅.[ⲚⲈⲦ].Ϥ̅.ⲞⲨⲀϢ.ⲞⲨ

ⲠⲈϪⲈ Ⲓ̅Ⲥ̅ ϪⲈ ⲠⲈ.ⲚⲦⲀϨ.ϬⲒⲚⲈ [Ⲙ̅.Ⲡ].ⲔⲞⲤⲘⲞⲤ Ⲛ̅.Ϥ.Ⲣ̅.ⲢⲘ̅.ⲘⲀⲞ ⲘⲀⲢⲈ.Ϥ.ⲀⲢⲚⲀ Ⲙ̅.Ⲡ.ⲔⲞⲤⲘⲞⲤ

ⲠⲈϪⲈ Ⲓ̅Ⲥ̅ ϪⲈ Ⲙ̅.ⲠⲎⲨⲈ.ⲚⲀ.ϬⲰⲖ ⲀⲨⲰ Ⲡ.ⲔⲀϨ Ⲙ̅.ⲠⲈⲦⲚ̅.Ⲙ̅ⲦⲞ ⲈⲂⲞⲖ ⲀⲨⲰ ⲠⲈⲦ.ⲞⲚϨ ⲈⲂⲞⲖ ϨⲚ̅ ⲠⲈⲦ.ⲞⲚϨ Ϥ.ⲚⲀ.ⲚⲀⲨ ⲀⲚ Ⲉ.ⲘⲞⲨ ⲞⲨⲆ(Ⲉ Ⲉ.ϨⲞⲦⲈ) ϨⲞⲦⲒ Ⲉ.Ⲓ̅Ⲥ̅. ϪⲰ Ⲙ̅ⲘⲞ.Ⲥ ϪⲈ ⲠⲈⲦⲀ.ϨⲈ ⲈⲢⲞ.Ϥ ⲞⲨⲀⲀ.Ϥ Ⲡ.ⲔⲞⲤ ⲘⲞⲤ Ⲙ̅ⲠϢⲀ Ⲙ̅ⲘⲞ.Ϥ ⲀⲚ

ⲠⲈϪⲈ Ⲓ̅Ⲥ̅ ϪⲈ ⲞⲨⲞⲈⲒ Ⲛ̅.Ⲧ.ⲤⲀⲢⲜ ⲦⲀⲈⲒ ⲈⲦ.ⲞϢⲈ Ⲛ̅.Ⲧ.ⲮⲨⲬⲎ ⲞⲨⲞⲈⲒ Ⲛ̅.Ⲧ.ⲮⲨⲬⲎ ⲈⲦ.ⲞϢⲈ Ⲛ̅.Ⲧ.ⲤⲀⲢⲜ

ⲠⲈϪⲀ.Ⲩ ⲚⲀ.Ϥ Ⲛ̅ϬⲒ ⲚⲈϤ.ⲘⲀⲐⲎⲦⲎⲤ ϪⲈ Ⲧ.ⲘⲚ̅Ⲧ.ⲈⲢⲞ Ⲉ.Ⲥ.Ⲛ̅ⲚⲎⲨ Ⲛ̅.ⲀϢ Ⲛ̅.ϨⲞⲞⲨ Ⲉ.Ⲥ.ⲚⲚⲎⲨ ⲀⲚ ϨⲚ̅ ⲞⲨ. ϬⲰϢⲦ ⲈⲂⲞⲖ Ⲉ.Ⲩ.ⲚⲀ.ϪⲞⲞ.Ⲥ ⲀⲚ ϪⲈ ⲈⲒⲤϨⲎⲎ ⲦⲈ Ⲙ̅.ⲠⲒ.ⲤⲀ Ⲏ ⲈⲒⲤϨⲎⲎⲦⲈ ⲦⲎ ⲀⲖⲖⲀ Ⲧ.ⲘⲚ̅Ⲧ.ⲈⲢⲞ Ⲙ̅.Ⲡ.ⲈⲒⲰⲦ Ⲉ.Ⲥ.ⲠⲞⲢϢ ⲈⲂⲞⲖ ϨⲒϪⲘ̅ Ⲡ.ⲔⲀϨ ⲀⲨⲰ Ⲣ̅.ⲢⲰⲘⲈ ⲚⲀⲨ ⲀⲚ ⲈⲢⲞ.Ⲥ

ⲠⲈϪⲈ ⲤⲒⲘⲰⲚ ⲠⲈⲦⲢⲞⲤ ⲚⲀ.Ⲩ ϪⲈ ⲘⲀⲢⲈ.ⲘⲀⲢⲒϨⲀⲘ ⲈⲒ ⲈⲂⲞⲖ Ⲛ̅.ϨⲎⲦ.Ⲛ̅ ϪⲈ Ⲛ̅.ⲤϨⲒⲞⲘⲈ Ⲙ̅ⲠϢⲀ ⲀⲚ Ⲙ̅.Ⲡ.ⲰⲚϨ ⲠⲈϪⲈ Ⲓ̅Ⲥ̅ ϪⲈ ⲈⲒⲤϨⲎⲎⲦⲈ ⲀⲚⲞⲔ Ϯ.ⲚⲀ.ⲤⲰⲔ Ⲙ̅ⲘⲞ.Ⲥ ϪⲈ ⲔⲀⲀⲤ Ⲉ.ⲈⲒ.ⲚⲀ.Ⲁ.Ⲥ Ⲛ̅.ϨⲞⲞⲨⲦ ϢⲒⲚⲀ Ⲥ.ⲚⲀ.ϢⲰ ⲠⲈ ϨⲰⲰ.Ⲥ Ⲛ̅.ⲞⲨ.Ⲡ̅Ⲛ̅Ⲁ̅ Ⲉ.Ϥ.ⲞⲚϨ Ⲉ.Ϥ.ⲈⲒⲚⲈ Ⲙ̅ ⲘⲰ.ⲦⲚ̅ Ⲛ̅.ϨⲞⲞⲨⲦ ϪⲈ ⲤϨⲒⲘⲈ ⲚⲒⲘ Ⲉ.Ⲥ.ⲚⲀ.Ⲁ.Ⲥ Ⲛ̅.ϨⲞⲞⲨⲦ Ⲥ.ⲚⲀ.ⲂⲰⲔ ⲈϨⲞⲨⲚ Ⲉ.Ⲧ.ⲘⲚ̅Ⲧ.ⲈⲢⲞ Ⲛ.Ⲙ̅.ⲠⲎⲨⲈ

Ⲡ.Ⲉ̅Ⲩ̅Ⲁ̅ⲄⲄ̅ⲈⲖ̅ⲒⲞⲚ̅ Ⲡ.Ⲕ̅Ⲁ̅ⲦⲀ Ⲑ̅Ⲱ̅ⲘⲀⲤ

Ⲡ.Ⲉ̅Ⲩ̅Ⲁ̅ⲄⲄ̅ⲈⲖ̅ⲒⲞⲚ̅ Ⲡ.Ⲕ̅Ⲁ̅ⲦⲀ Ⲑ̅Ⲱ̅ⲘⲀⲤ (L'Évangile selon Thomas)